●佮逐家分享一寡我所看著的好資料 ~有任何想法,歡迎留話給我^^ ●文圖影音等相關資料，純教學分享， 若有侵權煩請留言告知，必立即移除，感謝您的包容與無私分享~
若講著學台語, 看電視連續劇，我認為是上緊的方式, 佇遮我想欲分享一部phō真趣味閣佮咱的生活真鬥貼的好看連續劇，彼he就是《我的婆婆怎麼那麼可愛》，由鍾欣凌主演，除了講傳統做餅的堅持，劇內面閣講著親情、兄弟姐妹鬥陣、翁仔某相處的問題，趣味閣有內涵，而且內面的演員攏是台語講了真好的人, 變調攏真自然，無像一寡仔演員是靠硬背抑是直接中文翻台語的表達方式, 另外, 劇本內面無像其他的台語劇本，有時有袂少的歹聽話，佇這塊戲內面較無遮的問題，所以我真推薦予想欲輕鬆學台語的人，招厝內面人會當做伙來收看。
請點下底的連結, 做伙來欣賞~
https://www.litv.tv/drama/watch/VOD00296101
除了透過影片予咱了解這項好食物按怎生產、按怎做, 更加透過主持人媠氣的台語, 介紹台灣的好食物， 以及相關人文典故，是學習台語兼了解咱在地食食文化的好節目，所以啟助老師想欲推荐逐家這系列的影片予逐家欣賞兼學台語。
除了透過影片予咱了解這項好食物按怎生產、按怎做, 更加透過主持人媠氣的台語, 介紹台灣的好食物， 以及相關人文典故，是學習台語兼了解咱在地食食文化的好節目，所以啟助老師想欲推荐逐家這系列的影片予逐家欣賞兼學台語。
請點下底的連結, 做伙來欣賞~
https://www.litv.tv/show/watch/VOD00185464
相信真濟人攏有去陪考的經驗，尤其是做爸爸媽媽的人，毋過你去陪考的時，敢有啥物款的感受? 廖老師除了陪囡仔去考高中會考，閣將我陪考的心情佮感受記錄落來，開差不多20外分鐘去整理書寫投稿，仝款運氣足好ê，又閣予《台文通訊》的編輯老師肯定，刊佇 2024年8月 第365期的雜誌內面，邀請逐家做伙來讀看覓。
這首詩是咧描寫做爸媽面對青少年的愛佮關心互動，
毋知你看了敢有啥物款的想法，
若是有的話，
歡迎你會當留話予我，勞力~
第十一冊 第一課 驚著無代誌 《皮包仔無去矣》
場景：人潮洶湧的夜市
口白：拜五下暗，丸仔規家伙仔歡歡喜喜咧踅夜市。
（那踅那討論欲食啥物，逐擔看起來攏真好食款，看甲喙瀾強欲津落來矣。）
丸仔：我欲食燒番麥、臭豆腐、蚵仔煎，閣有麵線佮牛排！
豆仔：敢袂傷濟？你食袂了啦！
阿母：無，咱會當每一種攏叫一份，規家伙仔做伙食。
阿爸：好啊、好啊，就按呢決定矣！
場景：人來人往的夜市
（阿母徛佇擔仔位頭前咧揣皮包仔，面色愈來愈緊張。）
阿母：奇怪，是走去佗位？
豆仔：阿母，發生啥物代誌矣？
阿母：我出門進前明明有紮皮包仔，哪會揣無？
阿爸：我看咱照原路行轉去揣好矣。
（規家伙仔那行那揣的時，阿母雄雄接著電話。）
阿母：喂──
對方(警察)：請問，你敢是廖惠美小姐？
阿母：是，請問佗位揣？
對方(警察)：我遮是真平派出所，有人抾著你的皮包仔送過來，你這馬敢有閒過來一逝？
阿母：好、好、好，我隨過去。
警察：廖惠美小姐，有人佇夜市仔門口抾著你的皮包仔送過來，你檢查看覓內底的現金、證件佮信用卡敢有無去，若無問題就會使提轉去矣。
阿母：攏佇咧，無問題，多謝啦！
阿爸：啥？佇門口就落去矣，毋就好佳哉拄著好心的人，無，這聲就害矣。
警察：是啦！所以後擺愛較細膩咧。
（豆仔佮丸仔咧開講，看起來真歡喜。）
丸仔：足新奇的，這是我頭一擺來派出所呢！
豆仔：著啊，警察看起來足厲害的！
阿母：以後恁若是抾著別人的皮包仔，第一時間嘛愛送來派出所，因為無去的人會足煩惱的。
阿爸：恁若是無送派出所，共紮轉去厝裡，顛倒有可能去予人告侵占，按呢就犯罪矣，知無？
丸仔、豆仔：阮知矣！
09做生教組長的鋩角
廖啟助
聽著「生教組長」這个稱呼，你會想著啥？罵囡仔、掠囡仔、處理囡仔冤家相拍、偷提物件、定定愛做公親……。無毋著，這就是生教組長平常時仔愛做的工課。除了遮的，猶有足濟沓沓滴滴的代誌。若是你，你敢欲接？抑是講，你敢敢接這个職務？
拄開始主任揣我接這个缺的時，我先想著的是：我無法度像進前的生教組長仝款，歹囡仔歹甲遐大聲。閣來就是，其實我足少咧罵囡仔，逐時去大聲歹囡仔，真正毋是我的sū-tài-luh。按呢我敢有法度接這个缺？所以我就去請教一寡長輩，聽看的建議。
有一位序大對我講：「這確實是無輕可的工課，因為欲處理的攏是遮的歹剃頭、歹扭搦的學生。毋過就是因為一般的老師無法度處理，才需要咱來鬥跤手。這是一个會當幫助囡仔，閣會當替家己積福報的工課，所以我認為你愛把握這个機會。」另外一个主任對我講：「其實我認為你誠適合做這个組長，因為我看你過去𤆬班對囡仔的規矩、禮貌攏足注重，而且咱做老師的人，上重要的是教囡仔，毋是歹，啥人講做生教組長一定愛大聲去罵囡仔？」聽按呢共我開破，才予我有信心通接這缺！
處理代誌的過程當中，我定定咧思考，敢有人無代無誌欲去共老師唱聲？抑是去拍人、罵人，偷提別人的物件？是毋是有啥物委屈，抑是誤會，才會發生今仔日的結果？我若是激老師的派頭，學生敢會對我講的心內話？所以便有需要我去處理佮囡仔相關的代誌，我攏先徛佇的立場對講：「老師毋是欲來罵人抑是處罰恁的，到底代誌按怎發生的，你安心仔共我講，老師來想辦法共恁鬥解決。」就按呢大部份我攏會當捎著摠頭，將結敨開，而且徛佇序大人佮老師的立場，鬥輔導遮的囡仔離經的想法佮行為。
咱敢有人愛予人罵？無，用罵的、用拍的，你敢真正會聽、會改？我想是較僫。將心比心，用耐心、愛心佮智慧來開破予咱的囡仔聽、掠的心，相信咱攏會當來做生教組長喔！
1.鋩角mê-kak 事情的處理的關鍵原則。
2.囡仔gín-á 小孩子。
3.掠lia̍h 抓。
4.冤家相拍 uan-ke sio-phah 吵架打架。
5.定定 tiānn-tiānn 經常。
6.公親 kong-tshin 調解、勸和的人。
7.無毋著 bô m̄-tio̍h 沒錯。
8.工課 khang-khuè 工作、事情。
9.足濟 tsiok tsē 很多。
10.沓沓滴滴 ta̍p-ta̍p-tih-tih 繁雜的。
11.揣 tshuē 尋找。
12.歹 pháinn 對人凶惡。
13.逐時 ta̍k sî 常常。
14.序大 sī-tuā 長輩。
15.輕可 khin-khó 輕鬆。
16.歹剃頭 pháinn-thì-thâ 事情難應付。
17.歹扭搦 pháinn-liú-la̍k 難搞。
18.鬥跤手 tàu-kha-tshiú 幫助他人解決困難。
19.𤆬班 tshuā
pan 帶班。
20.開破 khui-phuà 開導。
21.唱聲 tshiàng-siann 以言語大聲威嚇、撂狠話。
22.拍人 phah lâng 打人。
23.激派頭 kik-phài-thâu 擺架子故意顯出自己的身分地位比別人高貴。
24.徛佇 khiā tī 站在。
25. in 他們。
26.恁 lín 你們。
27.捎著摠頭 Sa-tio̍h-tsáng-thâu 抓到頭緒。
28. 敨開 tháu--khui 解開。
29. 離經 lī-king 離譜、荒謬。
30.僫 oh 困難、不容易。
