【人是咱台灣上媠的風景】

【人是咱台灣上媠的風景】

來到鹿港老街，因為人客攏看的濟，買的少，所以頭家攏面憂憂。

毋過這e5頭家娘仝款熱情拍招呼，予原底已經行過頭的我，專工行倒轉來。

我看著頭家娘親切的笑容，特別將這e5咱台灣上媠的風景翕落來佮逐家分享~😎

【溪邊的鳳凰木】

【溪邊的鳳凰木】

每一擺經過伊的身軀邊，攏會予伊青翠的形影，熱情的花蕊所吸引。

幾落擺攏想欲將這e5 美麗景緻翕落來，毋過攏無閒。今仔日又閣經過，拄仔好有閒，專工停落來將這e5 畫面記錄落來~心情足好e5！

會替人想的囡仔，予人印象上深

會替人想的囡仔，予人印象上深

    足巧、足gau5讀冊的囡仔，敢會予你一直囥佇心肝頭？生做足媠抑是足緣投的囡仔，敢會予你一直記佇心肝內？若準講攏毋是的話，啥物款的囡仔會予你一直記牢牢？

    前幾工我去一間水餃店，拄仔食飽出來欲騎車離開，邊仔拄仔好有一个看起來差不多是國小5-6年，抑是國一的查某囡仔，伊嘛拄仔水餃買好，欲騎伊的跤踏車離開。