黃仁勳 鼓舞 囝仔 愛學 台灣話

黃仁勳 鼓舞囝仔愛學台灣話

台語語音合成 網站 (會中文翻成台語並唸台語讓我們學)

台語語音合成 網站(會中文翻成台語並唸台語讓我們學)    

https://reurl.cc/npqlLl

操作步驟 輸入 中文→ 1.產生台文 / 2.產生台羅及點字 / 3 講台語

下週會繼續使用ipad , 請帶3.5mm 耳機 / 藍芽耳機 ,以利聽台文或課文發音.

選 查晡(男)的發音，建議選1倍速 

若發音選查某(女)的，建議選0.75倍來聽，較拄仔好(比較剛好)。

請照下底圖片說明操作，就會當設定。

115年7月台語認證考試 報名到 5/8報名流程說明

 

鼓舞用心學台語的學生

有通過基礎級的人

會當提成績單來揣啟助老師領紅包喔~

原底若是已經有領著基礎級紅包的人

若是有進步超過30分以上的人嘛仝款會當閣領紅包.

廖老師 予我的學生 台語認證通過獎學金

 

A1 基礎級 100

A2 初    級 200 (若考第一擺就通過領300)

B1 中    級 500

  B2 中高級  1000

 C1 高    級  2000

C2 專業級  5000

教育部115年7月臺灣台語語言能力認證考試，

於報名時間至115年5月8日(星期五)下午5點為止。

 本次考試A卷訂於115年7月25日（星期六）舉行；

                               B卷於7月26日（星期日）施測。

 有關115年台語認證考試相關訊息，請至考試專屬網站（https://ttg.moe.edu.tw）查詢.

報名注意事項:
1.個別報名的人，正式報名前要先建立帳號，帳號建好之後，要進原來建帳號的電子信箱收信，收到台語認證的確認信，進入該信件後，記得要點認證確認，如此才能正式報名。

2.寄件地址，要用網站的查郵遞區號，輸入你的收件地址，填6碼郵遞區號，並再次檢查收件地址有無打錯字，如此你的准考證或未來的證書寄送才不會收不到。

3.照片上傳，只要用手機找一背景單純牆面來拍即可，最後的身份證明，若沒有身份證的人，可以用「護照(首選，因為和現在學生長相最接近)、或有照片的健保卡、或找老師開在學證明」來佐證。

4.若報名有問題的人，最慢5/4周一早上一定要來找廖老師協助處理喔，請放心~廖老師很樂意協助你的~

5.報名成功的人，可點選底下網頁連結，下載1500個詞組的台語學習單來對照學習，效果會更好喔~
https://iamsunnyman.blogspot.com/2024/05/1500.html

啟助首次正式的線上分享~鬥陣來做台語傳教士 (可點閱收看)

這是115年高雄市國中台語教師專業精進社群的一節共備研習

因為是線上演講，有些畫面需要不斷切換，導致演講節奏有所中斷，表現得不夠理想，請多多包涵。不過，我堅定想要傳承台語的心意是不變的。

如果您聽完覺得還不錯，歡迎分享給您的朋友或家人，希望大家能一起來說台語，共同擔任台語的傳教士，讓台語能一直流傳下去，感恩。

請點擊下方連結收看：
https://reurl.cc/epGR8x

如果無法開啟，請登入您的 Google 帳號，謝謝。

影片中段有針對「台語老師開口第一句話說什麼語言」進行調查：
https://forms.gle/Rj2XeGVaKu9nPyH96
如果您是台語老師，可以點進去填寫問卷。

最後，如果有把演講聽完的朋友，麻煩請撥冗填寫一下給啟助的回饋表：
https://reurl.cc/grem5L

讓我知道您的一些想法，也讓我知道該如何修正，好讓我以後在推廣台語時能持續調整改進，勞力（辛苦了/謝謝）。

---

換遙控電池愛注意的所在

 

生活小提醒

正爿tsiànn-pîng的是鹼性電池 

毋通裝佇tī 遙控佮時鐘頂面 會共主機板燒歹去 換電池愛特別細膩sè-jī喔！

上方便 換遙控電池的方式: 共遙控提去 小北百貨, in 會免費替咱拆開, 揣仝款的一模一樣的電池替咱換好, 毋免家己去買轉來換.

右邊的是鹼性電池

不可裝在遙控及時鐘上

會把主機板燒掉 換電池要特別注意哦！ 

最方便 換遙控電池的方式: 把遙控拿去 小北百貨, 他們會免費替我們拆開, 找同款式一模一樣的電池替我們換好, 不用自己去買回來換

漢字 不只用在 中文喔 !!!

請看下底的說明~

散文 | 廖啟助 | 都市囡仔ê台語 嘛會當 siah-siah叫 (台文通訊 第383期 )

散文 | 廖啟助 | 都市囡仔ê台語 嘛會當 siah-siah叫

 

       現此時的台語，流失狀況非常嚴重，真濟囡仔毋若袂曉講，甚至連聽都袂輸是「鴨仔聽雷」，這款情形尤其是佇大都市的囡仔，特別明顯。我服務的學校，雖然是佇咱台灣上濟人講台語的高雄，毋過市區的囡仔嘛是有袂少人連聽都有困難，而且是真明顯佇仝年級的學生，愈後壁出世的年代，調查出來聽無的比例愈懸。是按怎會按呢？

       就我上課的統計，上主要的就是厝內面攏無人咧講台語，抑是序大人干焦會佮頂沿的爸母講一寡台語（嘛是定定透濫足濟華語佇內面），毋過翁仔某之間，抑是對囡仔、對孫仔輩差不多攏全華語咧溝通較濟。遮的囡仔，佇厝足罕得有機會，甚至是強欲完全無當聽人講台語，才會造成𪜶連基本的台語對話都聽無。

        我的學校佇正市中心的所在，國小加幼稚園的學生數差不多有2500个人，毋過佇下課的時陣，全校你去共揣，應該是揣無十个人用台語咧開講。佇這款學校環境，敢有法度培養學生，予伊講台語的能力進步，甚至予伊講甲足輾轉，佇全國語文競賽提著台語演說的特優咧？咱來做伙看覓仔，阮是按怎一步一跤印來達到這个目標！

        人講「有心開山，山成園;有心拍石，石成穿」，只要有心，任何目標總是有機會來達成！所以佇學生通過校內的台語演說比賽，取著代表權了後，我就主動甲伊的序大人加LINE聯絡，甚至連阿公阿媽嘛做伙搝入來組一个訓練講台語的群組。

        學生的阿公阿媽佮序大人本底就會曉講台語，毋過受大環境影響，慣勢佮囡仔講華語較濟，所以我第一項佮𪜶溝通的代誌，就是提昇𪜶講台語的意識。我共學生的厝內面人講，台語欲講會輾轉，上重要的就是愛先對厝內的長輩開喙講台語做起。

        囡仔聽了有夠濟，伊才有法度開喙講台語，而且因為有人佮伊對話，伊毋若有聽的刺激，閣較重要的是佇聽著了後，伊隨會當反應練習按怎用台語來表達、來佮人互動溝通。閣再來，咱厝內面的長輩，就親像是囡仔的台語家教老師仝款，當伊袂曉講，抑是講了重耽的時陣，會當佇邊仔隨時共輔導牽教，陪伴伊做伙學習成長。

        予厝內的大人先有台語意識，了解台語環境對提昇台語能力的重要性了後，我就請𪜶規厝內面人培養講全台語的習慣，因為按呢效果上好！拄開始大人嘛會轉袂過來，猶加減會用華語來講，毋過透過指導老師的提醒鼓勵，大人就愈來愈慣勢講台語，大人囡仔同齊進步，做伙共台語抾轉來兼提昇表達能力。

        囡仔佇厝講台語的時間佮機會綴咧愈來愈濟，會曉講的詞彙就一直咧增加，仝款的意思開始有法度用無仝的語詞講法來表達，聲調嘛愈講愈自然，甚至佇講的過程當中，自然學會曉變調。 為著欲予𪜶規厝內面人的台語地基緊鞏予在，我佇群組佮𪜶對話，大部份攏拍台文予𪜶看佮讀，閣鼓舞𪜶去參加教育部的台語認證考試，𪜶真認同我的建議，規口灶——阿公、阿媽、老爸、老母加囡仔，五个人做伙去報名，真正予我足感動！尤其是72歲的阿媽，加減會佇群組練拍台文。這款行動力，予我感覺辛苦付出足有成果嘛足感心的！

       創造台語家庭環境了後，囡仔的台語底蒂就慢慢仔有基礎矣。這个時陣老師加強指導，親像：抽著題目了後，欲按怎準備演講的內容重點、鋪排演講的結構，閣有學習欲按怎有理路來回答評判老師的提問等等的能力。

        另外，因為囡仔本身真肯學、耐操閣足骨力練，爸母佮阿公阿媽非常認真配合老師的要求，全家總動員，用心陪伴伊做伙綿櫼練習，老師、所有的親情，攏予伊真大的鼓勵佮祝福，加上天公伯仔的疼痛，予伊真順利，一路對縣市的分區賽、市決賽，一直拚到全國語文競賽，一路過關斬將，最後得著『特優兼生動自然獎』遮爾好的表現！

        人講「番薯毋驚落塗爛」，雖然現此時社會的本土語意識佮講母語的環境無界好，毋過只要咱有堅心，有正確的理念，願意徛出來，用時間費精神佮家長學生溝通，提昇𪜶的台語意識，爭取𪜶的認同，親身做予𪜶看，有共同的目標，鬥陣欲共台語抾轉來，規家伙佮老師同齊做伙拚，都市囡仔的台語嘛會當共教甲siah-siah叫喔！

=====================================================================

【中文版】

現在的台語，流失狀況非常嚴重，許多孩子不僅不會說，甚至連聽都像是「鴨子聽雷」，這種情況尤其是在大都市的孩子，特別明顯。我服務的學校，雖然是在我們台灣最多人說台語的高雄，但市區的孩子也是有不少人連聽都有困難，而且很明顯在同年級的學生，愈後面出生的，調查出來聽不懂台語的比例愈高。為什麼會這樣？

就我上課的統計，最主要的原因就是家中都沒有人在說台語，或做爸媽的只有和上一輩的父母說一些台語（也是常參雜很多華語在裡面），但夫妻之間，或對孩子、對孫子輩差不多都全華語在溝通較多。這些孩子，在家裡很難得有機會，甚至是快要完全聽不到有人說台語，才會造成他們連基本的台語對話都聽不懂。

我的學校在正市中心的地方，國小部加上幼兒園的學生差不多有2500個人，但在下課的時候，你去全校尋找，應該是找不到十個人用台語在聊天。在這樣的學校環境，有沒有辦法能培養學生，讓他說台語的能力進步，甚至讓他說得很流利，在全國語文競賽取得台語演說的特優呢？咱們來一起看看，我們如何一步一腳印來達到這個目標！

人家說「有心開懇山林，山林可變成林園;有心打鑿石頭，石頭也可鑿穿」，只要有心去努力，任何目標總是有機會來達成！所以在學生通過校內的台語演說比賽，取得代表權後，我就主動和他的父母親加LINE聯絡，甚至連爺爺奶奶也一起拉進來組一個訓練說台語的群組。

學生的爺爺奶奶和長輩本來就會說台語，但受大環境影響，習慣了和孩子說華語較多，所以我第一項和他們溝通的事情，就是提昇他們說台語的意識。我對學生的家人說，台語要說得流利，最重要的就是要先從家裡的長輩開口說台語做起。 孩子聽了夠多，他才有辦法開口說台語，而且因為有人和他對話，伊不只有聽的刺激，更重要的是在聽到之後，他立即可以反應練習如何用台語來表達、來和人互動溝通。再來，我們家裡面的長輩，就像是小孩子的台語家教一樣，當他不會說，或說得不正確的時候，可以在一旁隨時給予輔導教導，陪伴他一起學習成長。 讓家裡的大人先有台語意識，了解台語環境對提昇台語能力的重要性之後，我就請他們全家人培養說全台語的習慣，因為這麼效果最好！剛開始大人也會切換不過來，還多少會用華語來說，但透過指導老師的提醒鼓勵，大人就越來越習慣說台語，大人小孩同時進步，一起把台語撿拾回來並提昇表達能力。 孩子在家中說台語的時間和機會跟著越來越多，會說的詞彙就會一直增加，一樣的意思開始有辦法用不同的語詞說法來表達，聲調也越說愈自然，甚至在說的過程當中，自然學會變調。 為了要趕緊把他們全家人的台語地基紮穩，我在群組和他們對話，大部份都打台文給他們看和唸，再鼓勵他們去參加教育部的台語認證考試，他們很認同我的建議，全家人—爺爺、奶奶、父親、母親與孩子，五個人一起去報名，真的讓我很感動！尤其是72歲的奶奶，加減會在群組練打台文。這種行動力，讓我覺得辛苦付出很有成果也很感動！ 創造台語家庭環境之後，小孩子的台語根基就慢慢地有基礎了。這個時候老師加強指導，像：抽中題目後，要如何準備演講的內容重點、鋪排演講的結構，還有學習要如何有條理的回答評判老師的提問等等的能力。

另外，因為孩子本身很肯學、耐操並很努力練習，父母和爺爺奶奶非常認真配合老師的要求，全家總動員，用心陪伴他一起勤奮練習，老師、所有的親戚，都給他很大的鼓勵和祝福，加上老天爺的疼愛，讓他很順利地，一路從縣市的分區賽、市決賽，一直力拚到全國語文競賽，一路過關斬將，最後獲得『特優兼生動自然獎』這麼好的表現！ 有人說「蕃薯不怕生長在爛泥巴」，雖然現在社會的本土語意識和說母語的環境不大好，但只要我們能堅定信心，有正確的理念，願意站出來，用時間費心思和家長學生溝通，提昇他們的台語意識，爭取他們的認同，親自做給他們看，有共同的目標，一起要把台語撿拾回來，全家人和老師一齊努力拚博，都市孩子的台語也可以把它練到頂呱呱哦！

線頂完整的台文通訊BONG報 383期，2026年2月出刊 雜誌內文

請點後面連結~https://tsbp.tgb.org.tw/2016/02/lanmai-e-ma-e-tang-siah-siah.html

期待您看過我的分享之後, 也能和我分享交流您的想法, 感恩~

黃仁勳 台大畢業典禮致詞 開場大秀台語

長年佇美國生長的黃仁勳,

事業成功了後, 台大佇112年的畢業典禮邀請伊轉來共畢業生演講勉勵,
一開喙就是用台灣話來佮所有現場的學生老師來賓問好,

伊原底想欲共所有的學生用台語來分享勉勵,

毋過伊煩惱伊長期無蹛台灣, 驚家己的台語無夠標準,

只好改用英文佮大家勉勵~

看著伊離開台灣遮爾久,
而且佇伊5歲就離開台灣,

毋過一直共台語記佇心肝內,

而且是一直繼續有咧講台語,

看伊對台語的要意佮疼惜, 真正予人真感動~

向望咱在地的台灣人,

會當親像伊仝款,

將台灣話囥佇心內, 佇生活中講出來~

黃仁勳 用台語 鬥賣麵

毋知逐家聽黃仁勳講台語, 
敢有感受著, 講台語足親切的,
你聽著伊按呢推銷, 講in的麵足好食的,啥人愛食麵?
in的麵足好食的, 有夠好食,有一點點仔hiam-hiam 有夠gau5煮, 有夠好食

你聽著伊按呢親切用台語推銷, 敢會想欲來食看覓?

另外我的感想, 黃仁勳 佇5歳就離開台灣, 先去泰國, 9歲正式移民美國.
結果伊的台語, 比大部生活佇台灣的人, 較gau5講, 嘛更加慣勢講台語,
對咱長期生活佇台灣的人來講, 是毋是愛來加講寡台語?

黃仁勳 佇大巨蛋開球 落台語喊「緊張甲睏袂去」

向望透過黃仁勳的代言推廣，予咱台灣人會當感受著--

講台語就是遮爾仔親切，台語就是遮爾優美好聽。

希望有閣較濟人鬥陣來講台語。

趣味台語~ 趣味佮無趣味的人 的三隻獅

趣味的人出門:     食東食西, 看東看西, 買東買西

無趣味的人出門: 嫌東嫌西, 罵東罵西, 管東管西

趣味台語~觀念佮做人

你知道台語也有獨特又流傳已久的美麗詞彙嗎 👀

教育部 台語 語音輸入法 APP ~ 用講的就可以打出台文字 邀您一起來 安裝使用

 

                                                     圖片來源: https://reurl.cc/ZldrjW

和大家分享一件超開心的事情， 115.01.14(三)教育部發佈一款 教育部 台語 語音輸入法 APP 


現在用台語講話，就能將台語字在手機或平版上全部都打出來，而且就我試驗的經驗至少有98%，甚至將近百分百的台語字都正確！ 想不到我們的教育部，可以做出這麼好的產品，真令人感動，心情超開心，迫不急待要與您分享這個好消息，邀請您一起安裝 教育部台語輸入法，直接說台語就能打台語字出來喔。😄💝👍

教育部手機/平板  臺灣台語語音輸入法公告囉！

❤️IOS https://reurl.cc/LQoOq7

❤️Android https://reurl.cc/4bMznX

  圖片來源: https://reurl.cc/oKbexq

❤️ IOS 設定使用說明  

 

❤️ Aandroid  設定使用說明  

日本的家長 為何要把孩子送去讀台語的國小呢?

https://youtu.be/QMOXhwF6BRQ?si=U1lp3wX7Zw_3GNnw

【台文】

日本的家長, 專工送伊的囡仔來讀這間台語的國校仔,

這位日本囡仔的爸爸講：伊的囡仔佇台灣出世, 伊認為囡仔會曉講台語是真重要的代誌!

我聽著這位爸爸按呢講, 予我非常的感動,

咱家己出世佇台灣, 毋知你敢有認為家己的囡仔會曉講台語是重要的代誌無 ?

【中文】

日本家長 , 特地送他的孩子來讀這間台語的國小 ,

這位日本孩子的爸爸說：他的孩子在台灣出生 , 他認為孩子會講台語是很重要的事情 , 我聽到這位爸爸這樣說，讓我非常的感動 , 我們自己在台灣出生 , 不知道你有沒有認為自己的小孩會講台語是很重要的事情 ?

台語筆記寫法

 

真平6年筆記見本 

親戚不計較 EP1(台語鄉土劇)

每日聽台語、講台語，台語的能力佮(和)功力就會沓沓仔(慢慢地)累積出來~

親戚不計較 ，正港的台語氣口， 我細漢(小時)就是佇這款環境大漢(長大)，所以台語才有通遮好!建議食飯的時，抑是 有閒的時(洗碗箸、洗身軀...) 會當(可以)放來練聽力，而且有生活化的影像，閣有過去的文化佇內底，欲學正範媠氣的台語會加真簡單 !

 

https://www.youtube.com/playlist?list=PL02zpjjwMEjqRrudR_evX50M1T0ogm4Le

散文 | 廖啟助 | 推捒台語，導師來鬥tshuā (台文通訊 第381期 )

 

 推捒台語，導師來鬥tshuā (台文通訊 第381期 )

 「台文版」 (對應朗讀請點我)

作者：廖啟助

      今仔下晡放學行過運動埕的時，2个6年的查某學生囡仔，對我的後壁用台語佮我拍招呼：「老師你好」！我毋知是啥人咧共我問好，我越過頭對in講：「恁好，恁的台語講了足好聽喔！」 In講：「因為阮老師最近每一工透早攏會tshuā規班讀台語。」我講：「有影無，恁老師是啥人？」

       In講就某mí老師，閣講後禮拜一的時，伊欲叫in規班每一个人起去台仔頂唸台語課文，害in攏足緊張。我講：「哇！按呢有夠讚的呢，若是每一个tshuā班的導師攏會當按呢做，按呢咱的台語就有向望，免煩惱矣！」

        這位導師我過去佮伊接接的時，伊攏會用台語佮我開講，予我知影伊嘛是台語底的，只是因為大環境的影響，閣有工課的關係，予伊平常時仔較罕得講台語。

        了後，我去教in班的台語課的時，我就攏會鼓舞學生囡仔，下課有閒的時，盡量招同學做伙講台語，甚至是會當去佮導師開講，因為「恁導ê的台語講了足好ê，而且伊的台語的聲調氣口，講了比啟助老師閣較好聽、閣較媠喔！，所以老師建議恁，有閒的時會當盡量去揣恁導ê開講，若有按呢去做，相信恁的台語一定會進步足緊的！」

       然後佇下課的時，我專工行過去佮導師a̋i-sat-tsuh ，一來是肯定導師的台語真正講了足好聽，二來是拜託導師若有閒的時，盡量會當佮囡仔加講寡台語。甚至平常時教課，毋管是國文、數學、美術、綜合課程抑是班級經營......攏會當加減透濫寡台語來教囡仔，予囡仔會當佇毋是台語課的時，嘛會當來聽著其他的老師講台語，用台語來教其他的科目。

予囡仔知影：台語毋是干焦台語課的台語，台語是會當用來佇生活中佮人溝通佮學習其他科目的語言，台語是咱的共同生活語言。

  　 後來，我嘛捌聽in班的學生共我講起，講in導仔捌佇數學課用台語佮in開講，嘛用台語來教數學，彼咧時陣就予我真感動，因為這位老師真正有共我講的話囥佇心肝內，而且閣真正佇伊的教學中來實踐。

    　最近因為我欲考囡仔的台語口語測驗，我知影一般的囡仔下課了後，尤其是轉去厝了後，無可能會提台語課本出來複習的，所以我私底下拜託導師鬥相共，鼓舞佮提醒學生囡仔愛撥工來複習台語。

想袂到這位老師，毋是干焦用喙共我凊彩答應，叫囡仔複習爾爾，閣是親身利用每一工透早8點到8點半這段時間，親身tshuā規班做伙讀台語，做伙來餾台語，聽了真正是予我非常非常的感動，嘛予我非常非常的歡喜。

因為咱有主動佮導師溝通，邀請導師鬥陣佮我合作，請in鬥相共來做伙推捒台語，就真正會當予台語對干焦佇台語課的教學，慢慢仔湠來其他毋是台語課的導師時間佮數學課來釘根傳承。

聽著按呢的好消息，予我真期待後禮拜囡仔佇台語口語測驗的表現矣。當然嘛一定愛來攢一杯大大杯的咖啡，好好仔來答謝這位老師遮爾用心，願意費精神佮我做伙來推捒台語。💞

線頂完整的台文通訊BONG報 381期，2025年12月出刊 雜誌內文

請點後面連結~https://tsbp.tgb.org.tw/2015/12/tshui-sak-tau-tshua.html

「中文版」

今天下午放學經過運動場的時候，兩個六年級的女學生，從我的背後用台語和我打招呼說：「老師你好」！我不知道是誰跟我打招呼，我轉過頭對他們說：「你們好，你們的台語說得很好聽喔！」他們說：「因為我們老師最近每天早上都會帶我們全班讀台語。」我說：「真的嗎？你們的老師是誰？」

 　　他們說就是某某老師，還說下禮拜一的時候，他要叫他們全班每個人上去台上唸台語課文，害他們都很緊張。我說：「 哇！這樣有夠讚的，如果每一個帶班的導師都可以這樣做，這樣我們的台語就有希望，不用擔心了！」

 　　這位導師我以前跟他接洽的時候，他都會用台語跟我聊天，讓我知道他也是以台語為母語的人，只是因為大環境的影響，還有工作的關係，讓他平時比較少講台語。

 　　之後，我去教他們班的台語課的時候，我就會鼓舞學生，下課有空的時候，盡量和同學一起說台語，甚至可以去和導師聊天，因為「你們導師的台語說得很好，並且他的台語聲調口氣，說得比啟助老師更好聽、更漂亮喔！所以老師建議你們，有空的時候可以盡量去找你們導師聊天，如果有這樣去做，相信你們的台語一定會進步的很快！」

 　　然後在下課的時候，我專程走過去跟導師打招呼，一來是肯定導師的台語真的講得很好聽，二來是拜託導師若有空的時候，盡量可以跟孩子多講一些台語。甚至平時教課，不管是國文、數學、美術、綜合課程或是班級經營……都可以多少混合一些台語來教孩子們，讓孩子們可以在不是台語課的時候，也可以聽到其他的老師說台語，用台語來教其他的科目。

 　　讓孩子知道：台語不只是台語課的台語，台語是可以用來在生活中與人溝通與學習其他科目的語言，台語是我們的共同生活語言。

 　　後來，我也曾聽他們班的學生跟我說起，說他們班導師曾在數學課用台語和他們聊天，也用台語來教數學，那個時候就讓我很感動，因為這位老師真的有把我說的話放在心裡面，而且真的在他的教學中來實踐。

 　　最近因為我要考學生的台語口語測驗，我知道一般的小孩下課後，尤其是回家之後，不可能會拿台語課本出來複習的，所以我私底下拜託導師幫忙，鼓勵並提醒學生要撥空複習台語。

 　　想不到這位老師，不只是用嘴巴隨便答應我叫孩子複習而已，卻是親自利用每一天早上八點到八點半這段時間，親自帶全班一起讀台語，一起來複習台語，得知老師的作為，真的是讓我非常非常的感動，也讓我非常非常開心。

 　　因為我們有主動跟導師溝通，邀請導師一起跟我合作，請他們幫忙來一起推動台語，就真的可以讓台語從原本只有在台語課的教學，慢慢地擴展到其他不是台語課的導師時間和數學課來紮根傳承。

 聽到這樣的好消息，讓我很期待下禮拜孩子在台語口語測驗的表現了。當然也一定要來準備一杯大大杯的咖啡，好好答謝這位老師這麼用心，願意花費精神跟我一起來推廣台語。💞

恭禧我的徒弟仔~黃群皓 得著全國語文競賽台語情境式演講「特優兼生動自然獎」

114年度全國語文競賽 臺灣台語情境式演說 國小組特優

19號 黃群皓 演講的題目：食桌 

恭禧我的徒弟仔~黃群皓 得著全國語文競賽台語情境式演講「特優兼生動自然獎」

 

欲得著這个獎項，講正經的，是真無簡單，因為愛一路佇縣市的分區賽、市決賽，一直拚到上尾仔的全國語文競賽，一路過關斬將，最後才有法度提著這个獎項！

    這个指導訓練過程雖然真辛苦，嘛付出足濟時間佮精神，毋過，今年運氣真好，遇著一个足肯學的徒弟仔，而且伊耐操閣足骨力練，加上厝內面的爸母佮阿公阿媽非常認真配合老師的要求，全家總動員做伙講台語，營造一个台語的母語家庭環境，規厝內面人攏足用心陪伴伊做伙綿精練習，身軀邊仔的老師抑是厝裡的所有親情，攏予伊真大的鼓勵佮祝福，閣加上天公伯仔的疼痛，才予伊會當真順利來得著「特優兼生動自然」這个獎項，再次恭禧群皓有遮爾好的表現！

 相信有按呢的成功經驗，佇伊的心內一定有去體會著，我這个師父想欲共「講台語、愛台語、捒台語」的種子tiàm佇伊的心內的期待，相信以後一定會當發穎開花，佮我這个師父仝款，鬥陣來推捒台語的傳承~

看英文高手─阿滴仔 學台語的感想 廖啟助

看英文高手─阿滴仔 學台語的感想

 廖啟助

         拍開手機仔的youtube，雄雄跳出來→「密集學台語七天，跟阿嬤聊天他會發現嗎?」的影片出來，原來是英文足厲害，專門咧教人按怎學英文講英文的youtuber阿滴仔，這改想欲用一禮拜的時間來學台語，看家己的台語會當進步偌濟，以及想欲予伊的阿媽鑑定看伊這禮拜學的台語有進步無。

        因為一个英文足厲害的gau5人，而且嘛定定去學外語的人，雄雄想欲轉來學台語，就引起我的興趣，想欲來看覓，伊的影片內面敢有講著啥物學台語的撇步，抑是伊的影片，敢會當感動觀眾朋友來鼓舞逐家做伙來學台語？我看了後，我發現伊的影片真正有予我感動，嘛有分享伊學台語的鋩角，所以我將我看了的感想整理出來佮逐家分享，希望對逐家有一寡仔幫贊。

       佇阿滴仔紀錄伊學台語的影片內面，予我誠感動的就是─阿滴仔總算會當佮伊的爸母用台語開講，尤其是會當轉去陪阿媽用台語開講，對阿媽的表情佮阿滴仔開講的互動內面，會當去感受著阿媽歡喜的心情。

        對這擺阿滴仔學台語的經驗，會當歸納出來下面幾个重點：

第一、學台羅，對無台語基礎的人來講，會當予家己日後看著羅馬字就有法度來讀出正確的發音，雖然一開始學台羅有可能會較困難，毋過頭過身就過，學台羅是真值得咱開時間來投資學習的項目佮能力。

第二、愛好好仔利用線頂的資源，尤其是教典抑是芋圓字典，來學字的發音，平常時仔加看較早的台語連續劇，親像「親戚不計較」，一面看一面綴咧講，學內面的人講話的氣口，嘛是真好的學習方式。

第三、欲予台語變好，「足講喙會順」是足重要的！定定講，一直講，而且愛主動揣厝內面會曉講台語的序大長輩來練習開講，抑是揣身軀邊仔會曉講台語的人做伙講，按呢會進步真緊，若是閣會當認真做筆記去查家己袂曉講的台語，訂目標而且用心去做去學習，其實佇有台語環境的台灣，欲予家己的台語進步，是真簡單的代誌！

第四、生活佇台灣這塊土地頂面，是需要撥一寡仔時間出來學習佮關心本土的語言，因為這个咱細漢聽到大漢的語言，內面有咱足濟的記持佮文化，咱若是有繼續使用這个本土語言，咱的記持佮文化就會當保留佮傳承落來，相對若是攏無人來講起，到尾仔這仔的記持佮文化就會無去消失去，這是真可惜真無彩的，所以除了愛學外語，嘛愛來共咱的本土語言學起來。

第五、厝內面的阿公阿媽，抑是爸爸媽媽若是會曉講台語，佇厝裡愛把握機會佮時間，佮囡仔抑是孫仔做伙講台語抑是本土語言，按呢大漢了後有這項本土語言能力，會予咱佇出社會加真有幫助，像伊的朋友就有講起，伊是一个演員，若是伊會曉講台語，就會當增加真濟演出的機會，所以若會當自細漢就共台語學起來，真正是足讚的投資，大漢了後嘛毋免閣愛另外開時間甚至開錢來學台語/本土語言。

最後，會曉講爸爸媽媽阿公阿媽的母語，真正會當共厝內面人的心更加搝做伙，會予序大人感覺加足感心的，所以希望所有有看著阿滴仔的影片的朋友，會當受著阿滴仔的鼓舞，對咱家己甚至是招閣較濟的朋友鬥陣來學台語，將台語抾轉來！