為何要讀書? 讀書在培養那些能力?

把事情描述清楚的重要性

日本的家長 為何要把孩子送去讀台語的國小呢?

https://youtu.be/QMOXhwF6BRQ?si=U1lp3wX7Zw_3GNnw

【台文】

日本的家長, 專工送伊的囡仔來讀這間台語的國校仔,

這位日本囡仔的爸爸講：伊的囡仔佇台灣出世, 伊認為囡仔會曉講台語是真重要的代誌!

我聽著這位爸爸按呢講, 予我非常的感動,

咱家己出世佇台灣, 毋知你敢有認為家己的囡仔會曉講台語是重要的代誌無 ?

【中文】

日本家長 , 特地送他的孩子來讀這間台語的國小 ,

這位日本孩子的爸爸說：他的孩子在台灣出生 , 他認為孩子會講台語是很重要的事情 , 我聽到這位爸爸這樣說，讓我非常的感動 , 我們自己在台灣出生 , 不知道你有沒有認為自己的小孩會講台語是很重要的事情 ?

散文 | 廖啟助 | 推捒台語，導師來鬥tshuā (台文通訊 第381期 )

 

 推捒台語，導師來鬥tshuā (台文通訊 第381期 )

 「台文版」 (對應朗讀請點我)

作者：廖啟助

      今仔下晡放學行過運動埕的時，2个6年的查某學生囡仔，對我的後壁用台語佮我拍招呼：「老師你好」！我毋知是啥人咧共我問好，我越過頭對in講：「恁好，恁的台語講了足好聽喔！」 In講：「因為阮老師最近每一工透早攏會tshuā規班讀台語。」我講：「有影無，恁老師是啥人？」

       In講就某mí老師，閣講後禮拜一的時，伊欲叫in規班每一个人起去台仔頂唸台語課文，害in攏足緊張。我講：「哇！按呢有夠讚的呢，若是每一个tshuā班的導師攏會當按呢做，按呢咱的台語就有向望，免煩惱矣！」

        這位導師我過去佮伊接接的時，伊攏會用台語佮我開講，予我知影伊嘛是台語底的，只是因為大環境的影響，閣有工課的關係，予伊平常時仔較罕得講台語。

        了後，我去教in班的台語課的時，我就攏會鼓舞學生囡仔，下課有閒的時，盡量招同學做伙講台語，甚至是會當去佮導師開講，因為「恁導ê的台語講了足好ê，而且伊的台語的聲調氣口，講了比啟助老師閣較好聽、閣較媠喔！，所以老師建議恁，有閒的時會當盡量去揣恁導ê開講，若有按呢去做，相信恁的台語一定會進步足緊的！」

       然後佇下課的時，我專工行過去佮導師a̋i-sat-tsuh ，一來是肯定導師的台語真正講了足好聽，二來是拜託導師若有閒的時，盡量會當佮囡仔加講寡台語。甚至平常時教課，毋管是國文、數學、美術、綜合課程抑是班級經營......攏會當加減透濫寡台語來教囡仔，予囡仔會當佇毋是台語課的時，嘛會當來聽著其他的老師講台語，用台語來教其他的科目。

予囡仔知影：台語毋是干焦台語課的台語，台語是會當用來佇生活中佮人溝通佮學習其他科目的語言，台語是咱的共同生活語言。

  　 後來，我嘛捌聽in班的學生共我講起，講in導仔捌佇數學課用台語佮in開講，嘛用台語來教數學，彼咧時陣就予我真感動，因為這位老師真正有共我講的話囥佇心肝內，而且閣真正佇伊的教學中來實踐。

    　最近因為我欲考囡仔的台語口語測驗，我知影一般的囡仔下課了後，尤其是轉去厝了後，無可能會提台語課本出來複習的，所以我私底下拜託導師鬥相共，鼓舞佮提醒學生囡仔愛撥工來複習台語。

想袂到這位老師，毋是干焦用喙共我凊彩答應，叫囡仔複習爾爾，閣是親身利用每一工透早8點到8點半這段時間，親身tshuā規班做伙讀台語，做伙來餾台語，聽了真正是予我非常非常的感動，嘛予我非常非常的歡喜。

因為咱有主動佮導師溝通，邀請導師鬥陣佮我合作，請in鬥相共來做伙推捒台語，就真正會當予台語對干焦佇台語課的教學，慢慢仔湠來其他毋是台語課的導師時間佮數學課來釘根傳承。

聽著按呢的好消息，予我真期待後禮拜囡仔佇台語口語測驗的表現矣。當然嘛一定愛來攢一杯大大杯的咖啡，好好仔來答謝這位老師遮爾用心，願意費精神佮我做伙來推捒台語。💞

線頂完整的台文通訊BONG報 381期，2025年12月出刊 雜誌內文

請點後面連結~https://tsbp.tgb.org.tw/2015/12/tshui-sak-tau-tshua.html

「中文版」

今天下午放學經過運動場的時候，兩個六年級的女學生，從我的背後用台語和我打招呼說：「老師你好」！我不知道是誰跟我打招呼，我轉過頭對他們說：「你們好，你們的台語說得很好聽喔！」他們說：「因為我們老師最近每天早上都會帶我們全班讀台語。」我說：「真的嗎？你們的老師是誰？」

 　　他們說就是某某老師，還說下禮拜一的時候，他要叫他們全班每個人上去台上唸台語課文，害他們都很緊張。我說：「 哇！這樣有夠讚的，如果每一個帶班的導師都可以這樣做，這樣我們的台語就有希望，不用擔心了！」

 　　這位導師我以前跟他接洽的時候，他都會用台語跟我聊天，讓我知道他也是以台語為母語的人，只是因為大環境的影響，還有工作的關係，讓他平時比較少講台語。

 　　之後，我去教他們班的台語課的時候，我就會鼓舞學生，下課有空的時候，盡量和同學一起說台語，甚至可以去和導師聊天，因為「你們導師的台語說得很好，並且他的台語聲調口氣，說得比啟助老師更好聽、更漂亮喔！所以老師建議你們，有空的時候可以盡量去找你們導師聊天，如果有這樣去做，相信你們的台語一定會進步的很快！」

 　　然後在下課的時候，我專程走過去跟導師打招呼，一來是肯定導師的台語真的講得很好聽，二來是拜託導師若有空的時候，盡量可以跟孩子多講一些台語。甚至平時教課，不管是國文、數學、美術、綜合課程或是班級經營……都可以多少混合一些台語來教孩子們，讓孩子們可以在不是台語課的時候，也可以聽到其他的老師說台語，用台語來教其他的科目。

 　　讓孩子知道：台語不只是台語課的台語，台語是可以用來在生活中與人溝通與學習其他科目的語言，台語是我們的共同生活語言。

 　　後來，我也曾聽他們班的學生跟我說起，說他們班導師曾在數學課用台語和他們聊天，也用台語來教數學，那個時候就讓我很感動，因為這位老師真的有把我說的話放在心裡面，而且真的在他的教學中來實踐。

 　　最近因為我要考學生的台語口語測驗，我知道一般的小孩下課後，尤其是回家之後，不可能會拿台語課本出來複習的，所以我私底下拜託導師幫忙，鼓勵並提醒學生要撥空複習台語。

 　　想不到這位老師，不只是用嘴巴隨便答應我叫孩子複習而已，卻是親自利用每一天早上八點到八點半這段時間，親自帶全班一起讀台語，一起來複習台語，得知老師的作為，真的是讓我非常非常的感動，也讓我非常非常開心。

 　　因為我們有主動跟導師溝通，邀請導師一起跟我合作，請他們幫忙來一起推動台語，就真的可以讓台語從原本只有在台語課的教學，慢慢地擴展到其他不是台語課的導師時間和數學課來紮根傳承。

 聽到這樣的好消息，讓我很期待下禮拜孩子在台語口語測驗的表現了。當然也一定要來準備一杯大大杯的咖啡，好好答謝這位老師這麼用心，願意花費精神跟我一起來推廣台語。💞

恭禧我的徒弟仔~黃群皓 得著全國語文競賽台語情境式演講「特優兼生動自然獎」

114年度全國語文競賽 臺灣台語情境式演說 國小組特優

19號 黃群皓 演講的題目：食桌 

恭禧我的徒弟仔~黃群皓 得著全國語文競賽台語情境式演講「特優兼生動自然獎」

 

欲得著這个獎項，講正經的，是真無簡單，因為愛一路佇縣市的分區賽、市決賽，一直拚到上尾仔的全國語文競賽，一路過關斬將，最後才有法度提著這个獎項！

    這个指導訓練過程雖然真辛苦，嘛付出足濟時間佮精神，毋過，今年運氣真好，遇著一个足肯學的徒弟仔，而且伊耐操閣足骨力練，加上厝內面的爸母佮阿公阿媽非常認真配合老師的要求，全家總動員做伙講台語，營造一个台語的母語家庭環境，規厝內面人攏足用心陪伴伊做伙綿精練習，身軀邊仔的老師抑是厝裡的所有親情，攏予伊真大的鼓勵佮祝福，閣加上天公伯仔的疼痛，才予伊會當真順利來得著「特優兼生動自然」這个獎項，再次恭禧群皓有遮爾好的表現！

 相信有按呢的成功經驗，佇伊的心內一定有去體會著，我這个師父想欲共「講台語、愛台語、捒台語」的種子tiàm佇伊的心內的期待，相信以後一定會當發穎開花，佮我這个師父仝款，鬥陣來推捒台語的傳承~

學生第一擺趁錢，專工轉來請師父食飯

學生讀大學了後，第一擺利用歇熱的時間去趁錢，趁著錢了後，除了請厝內面人以外，就想著我這个師父，所以佇伊欲閣開學轉去大學上課進前，伊專工傳line佮我約時間，講欲請我食飯。真多謝秉均媽媽共秉均教了遮爾好, 閣遮爾捌代誌，已經畢業7冬的徒弟仔，竟然佇伊人生第一擺趁著錢的時陣，閣會特別想著我這个老師，專工轉來看我兼請我食飯, 所以下暗這頓是食著特別好食喔~

20冬前的學生，專工佇教師節進前轉來揣我~

 

非常感謝雋妍媽媽佮雋妍遮用心，佇雋妍拄完成英國的碩士學業，ta̋nn轉來台灣無幾工，想著教師節欲到矣，專工撥時間來高雄揣我看我！看著囡仔毋但足有成就，閣將咱囥佇心內，願意撥工來相揣坐，真正予我這个做「師父」的人，感覺足光彩的~

看著學生佇畢業20冬後，閣會想欲轉來揣我，就是予我這个做老師的人，上大的肯定佮鼓勵，多謝雋妍佮雋妍媽媽來共師父充電喔~

全家台語生活化的實踐~賀5年級黃群皓得著 高雄市情境式演說全國賽代表權

 

運氣真好，教著群皓這个囡仔，骨力肯學，更加重要的是規家伙攏真配合我的指導，佇厝內面一直會當提醒家己開喙講台語，予規厝內面人一直會當保持佇一个母語的家庭環境，甚至連原底講台語會加減透濫華語的阿媽，尾仔佇 Line群組內面嘛開始佮我拍台文，連訊息嘛用台語咧溝通，真正足使人感動。

看著規內面人攏遮要意台語這件代誌，我當然嘛愛撥時間費精神來共指導。群皓這个囡仔毋驚艱苦，會kham得食苦，真耐操，我交待的代誌，轉去厝了後，阿公阿媽爸爸媽媽攏會配合繼續練，甚至歇熱抑是開校放學了後，一禮拜攏閣至少留落來練4-5點鐘，真正是無簡單~

下暗成績放榜，看著群皓規厝內面人攏足歡喜的，除了媽媽親身敲電話來佮我分享好消息以外，阿媽嘛專工敲電話來共我說多謝，佮我分享群皓佇台北102歳的阿祖嘛攏替伊歡喜甲，講若是無我的指導，群皓嘛無今仔日的成績，我講這毋是我一个人的功勞，這是咱親師生共同合作的美好成果，因為若無序大人佇厝的配合訓練，干焦靠我佮群皓是絕對無可能有遮好成績，所以我勉勵in，一定愛記得規家伙仔繼續保持開喙就是全台語，按呢才會當繼續提升群皓佇全國賽的表現，向望咱用行動來證明，生活台語化，台語生活化佇家庭推捒的重要性，用台語家庭的行動來提全國賽的獎盃～

三個傻瓜 好學生 or 壞學生

啟助擔任教育部113-114年本土語言意識培力宣講人員回流進階課程講師(高師大場)

真榮幸再次受著教育部的肯定邀請，繼續擔任教育部113-114年本土語言意識培力宣講人員回流進階課程(高師大場)的講師。 真感謝同學鬥相共翕相紀錄我一寡仔上課的相片佮簡報內容，請逐家點下底的相片入去看，簡報頂面的字，攏是真重要的提醒喔~

我將我過去佇學校，抑是日常生活中按怎去推捒台語做一寡分享，真歡喜我的分享對學員是有幫贊的, 下面是學員聽我的分享了後的一寡感受(請點圖片放大來看喔)。看著學員的回饋，我真感動，佮逐家做伙來分享~

最後用一張圖片邀請所有的人，鬥陣來講台語，鬥陣來做台語的傳教士~

若是看我的文章了後, 有一寡想法，歡迎你佇下面留話予啟助，多謝。💞

生活台語化 台語生活化的實踐~賀4年級黃群皓得著 高雄市情境式演說初賽第一名

         

         雖然我關心推捒台語真濟冬矣，毋過因為過去攏是教資優班抑是社會科，所以雖然捌鬥相共指導學生，毋過人數並無濟，若是親身正式掛名落去指導學生參加台語演講的學生，今年可能只是第3个抑是第4个學生爾爾。

         今年的指導學生，是一个4年的同學， 年紀雖然有較細，毋過因為學生的厝內面人有配合， 規家伙仔盡量營造出台語家庭的環境，加上學生肯練，家長用心配合要求訓練，以及導師鬥相共，才有今仔日的好成果！

        看著學生會當提第一名，嘛是我指導學生演講以來第一个提著第一名的學生，雖然只是初賽，毋過我家己比學生閣較歡喜，表示我主張的「生活台語化、台語生活化」的實踐是真正對台語能力有真大的幫贊！向望佮學生以及家長繼續拍拚，繼續佇生活中講台語、用台語甚至是寫台文，累積家己的台語實力，佇後面的比賽得著好成績，來證明「生活台語化、台語生活化」的實踐理念重要性！

若是看我的文章了後, 有一寡想法，歡迎你佇下面留話予啟助，多謝。💞

18 鼓舞的力量│廖啟助│113年全國語文競賽-(教師組) 台語朗讀文章

113年全國語文競賽-台語朗讀文章(教師組) 出處 佮下載的所在 https://reurl.cc/qGR6qg

   

        人人攏需要肯定佮鼓舞，有肯定有獎勵，就會予人愈有動力認真拚落去。真感謝評審老師的肯定，有錄取我的文章，而且閣有予教育部選用佇113年全國語文競賽教師組的台語朗讀文章內面，這是對我佇台語領域學習的過程當中，真大的肯定。我抱著感恩的心、歡喜的心，佮逐家分享我這篇作品，希望所有有讀過我這邊文章的好朋友，攏會當來鼓舞佮肯定咱身軀邊的人，毋管是咱的太太、翁婿、序大人、囡仔、學生、同事、厝內面人抑是朋友，透過《鼓舞的力量》，予咱每一个人會當愈來愈好愈進步。

18 鼓舞的力量

作者：廖啟助

        下課欲轉去辦公室的時，有一个學生囡仔對運動埕行過來對我講：「老師，我足希望下晡的母語課閣是你來共阮上課。」話講了，彼个查埔囡仔就走去矣。聽伊按呢講， 予我想起頂禮拜，因為同事請假，教務處拜託我去代課的情景。

         我上課的時，攏愛鼓舞囡仔開喙，毋管講了好抑是講 了無完整攏無要緊，甚至講毋著，只要伊有表示意見、參與討論，我就會加分，因為敢開喙抑是上課專心有參與活 動，就值得咱共伊鼓勵肯定，所以囡仔的成績我定定攏拍百外分，因為我相信決定分數的人是學生家己，毋是咱做老師的人。只要伊肯骨力拍拚，一百分絕對毋是伊人生的界限。嘛因為這个緣故，所以學生囡仔上我的課攏會感覺輕鬆閣有成就感，誠佮意上我的課。 

        阮查某囝定定練球的時喝忝，揣理由欲歇睏，所以下晡我刁持走去查勤，看伊敢有咧認真練球抑是走去摸飛。教練共我講：「恁查某囝無地嫌矣啦，因為足少有查某囡仔放學了後欲閣留落來練球，而且我見擺叫伊愛改的動作，伊攏有足認真咧練！」 聽教練按呢講，予我聽著規个心情攏好起來，原來阮查某囝的表現佇教練的心目中是遐爾仔好；原來我這个做老爸的人，過去攏用毋著方法，明其都愛伊變好，落尾煞攏去掠伊做無好的所在，莫怪伊佮我攏感覺足鬱卒的，愈 來愈懶屍。 

        透過彼个學生囡仔對我的鼓舞，閣有教練對阮查某囝的肯定，予我這个平常時無閒甲若干樂的人，雄雄又閣感覺充滿活力，嘛予過去一直感覺家己底蒂無夠在，毋敢去教母語課的人，這馬更加有信心來教課，順紲予我會當去看重家己的囡仔。所以毋管咱是做老師、做序大人，抑是 平常時仔佮人鬥陣，咱攏愛去揣著別人的優點，用鼓舞的話語來佮人交流。人若聽著咱的肯定、呵咾，就會閣較有信心，願意為未來拍拚，咱家己嘛會愈進步，因為「送花予人，手嘛會芳」，這就是鼓舞的力量！

01.下晡ē-poo下午。

02.查埔囡仔tsa-poo gín-á對年輕男孩的泛稱。

03.開喙khui-tshuì開口說話或是表明心意。

04.毋著m̄-tio̍h不對。

05.百外 pah-guā一百多。

06.喝huah大聲喊叫。

07.忝thiám 疲累。

08.揣tshuē/tshē  尋找。

09.歇睏hioh-khùn休息、歇息。

10.刁持tiau-tî故意、存心。

11.摸飛moo-hui摸魚。

12.恁lín你的。

13.查某囝tsa-bóo-kiánn女兒。

14.見擺kiàn-pái每次。

15.遐爾仔hiah-nī-á那麼。

16.掠lia̍h捕、抓。

17.懶屍lán-si 懶洋洋。倦怠、無精打采的樣子。

18.干樂kan-lo̍k陀螺。

19.底蒂té-tì根蒂。根本，基礎。

20.在tsāi穩。指東西穩固或人穩重。

21.這馬tsit-má  現在。

22.順紲sūn-suà順便。

23.序大人sī-tuā-lâng父母親。

24.鬥陣tàu-tīn人與人之間交際往來。

啟助 鳳山區 中山國小 談交通安全教育的重要性 分享 1120412

鳳山區 中山國小 談交通安全教育的重要性 112.04.12

　    主任班同學佇中山國小服務，伊有聽in生教組長講我分享的「交通安全教育」內容袂䆀，所以伊就敲電話邀請我去in學校分享。有人無棄嫌我，願意予我有機會去分享，我當然足珍惜按呢的機會。中山國小的老師攏足認真學習，來參與進修的出席率誠懸，而且佇我問問題的時，真濟老師攏足大方嘛足認真佮我有交流對話，連校長嘛是自頭坐到尾，坐佇上頭前聽我分享，真正足感心的~

       真濟老師，包括校長在內，對我所分享的影片內容抑是講課的內容，攏真有感受，有體會著原來：交通安全教育絕對毋是干焦教囡仔「紅燈停、青燈行」遮爾簡單的代誌，有足濟幼路的所在愛提醒咱的學生囡仔抑是厝內面人，我嘛藉機會紹介「靖娟基金會」予中山國小的老師認捌，予逐家了解in佇交通安全教育的投入佮用心，校長聽了我的介紹了後嘛真肯定，想欲請學務處佮靖娟基金會來聯繫，看欲按怎將志工佮靖娟來合作，將阮四維做了好的部分，推展到中山國小。

       另外，這擺我除了佮頂擺仝款，全程至少用95%以上的台語來演講分享以外，我佇我的簡報頂面，專工揣一寡字較少的內容，共台語漢字拍佇頂面，予老師除了會當聽著我的台語分享，閣會當看著台語文出現的教師進修的場合，看著我按呢的安排，真濟坐佇下面的老師看著螢幕頂面的台語漢字，目睭攏金起來。下課的時，校長抑是幾位老師攏來問我敢是有咧教台語，抑無我的台語nài有法度講甲遮輾轉？我想我刁工用這步出來演講分享交通安全教育的重要性，閣兼共台語以及台語字推捒出來的做法，已經有開始產生一寡效果矣。向望有愈來愈濟的老師，做伙來關心囡仔的交通安全教育，嘛做伙關心台語欲滅亡的嚴重性，做伙佇生活中用台語溝通佮書寫表達，相信只要逐家有按呢的體會佮行動，交通安全教育佮台語的發展一定會愈來愈進步，予咱愈來愈放心~

     ps. 若是其他的學校有需要啟助去分享，我攏足願意去你的學校分享喔! 予咱做伙來關心囡仔的交通安全教育, 以及將好聽的台語講予閣較濟的老師佮朋友聽~

《種土》紀錄片 值得咱撥時間去看去關心

09 做生教組長的鋩角│廖啟助│112年全國語文競賽-閩南語朗讀文章(教師組)

https://nlc.moe.edu.tw/Module/Bulletin/Detail.php?ID=94

         運氣真好，我將過去做生教組長的一寡仔想法佮經驗談整理出來投稿，得著評審委員的認同，刊登做112年全國語文競賽-教師組的閩南語朗讀文章，佇前幾工(2024-05-14)公告佇全國語文競賽的網站頂面，佮逐家做伙來分享我的作品，多謝~

09做生教組長的鋩角

廖啟助

    聽著「生教組長」這个稱呼，你會想著啥？罵囡仔、掠囡仔、處理囡仔冤家相拍、偷提物件、定定愛做公親……。無毋著，這就是生教組長平常時仔愛做的工課。除了遮的，猶有足濟沓沓滴滴的代誌。若是你，你敢欲接？抑是講，你敢敢接這个職務？

    拄開始主任揣我接這个缺的時，我先想著的是：我無法度像進前的生教組長仝款，歹囡仔歹甲遐大聲。閣來就是，其實我足少咧罵囡仔，逐時去大聲歹囡仔，真正毋是我的sū-tài-luh。按呢我敢有法度接這个缺？所以我就去請教一寡長輩，聽看的建議。

 有一位序大對我講：「這確實是無輕可的工課，因為欲處理的攏是遮的歹剃頭、歹扭搦的學生。毋過就是因為一般的老師無法度處理，才需要咱來鬥跤手。這是一个會當幫助囡仔，閣會當替家己積福報的工課，所以我認為你愛把握這个機會。」另外一个主任對我講：「其實我認為你誠適合做這个組長，因為我看你過去𤆬班對囡仔的規矩、禮貌攏足注重，而且咱做老師的人，上重要的是教囡仔，毋是歹，啥人講做生教組長一定愛大聲去罵囡仔？」聽按呢共我開破，才予我有信心通接這缺！

  處理代誌的過程當中，我定定咧思考，敢有人無代無誌欲去共老師唱聲？抑是去拍人、罵人，偷提別人的物件？是毋是有啥物委屈，抑是誤會，才會發生今仔日的結果？我若是激老師的派頭，學生敢會對我講的心內話？所以便有需要我去處理佮囡仔相關的代誌，我攏先徛佇的立場對講：「老師毋是欲來罵人抑是處罰恁的，到底代誌按怎發生的，你安心仔共我講，老師來想辦法共恁鬥解決。」就按呢大部份我攏會當捎著摠頭，將結敨開，而且徛佇序大人佮老師的立場，鬥輔導遮的囡仔離經的想法佮行為。

 咱敢有人愛予人罵？無，用罵的、用拍的，你敢真正會聽、會改？我想是較僫。將心比心，用耐心、愛心佮智慧來開破予咱的囡仔聽、掠的心，相信咱攏會當來做生教組長喔！

 

1.鋩角mê-kak 事情的處理的關鍵原則。

2.囡仔gín-á 小孩子。

3.掠lia̍h 抓。

4.冤家相拍 uan-ke sio-phah 吵架打架。

5.定定 tiānn-tiānn 經常。

6.公親 kong-tshin 調解、勸和的人。

7.無毋著 bô m̄-tio̍h 沒錯。

8.工課 khang-khuè  工作、事情。

9.足濟 tsiok tsē 很多。

10.沓沓滴滴  ta̍p-ta̍p-tih-tih 繁雜的。

11.揣 tshuē 尋找。

12.歹 pháinn  對人凶惡。

13.逐時 ta̍k sî 常常。

14.序大 sī-tuā  長輩。

15.輕可 khin-khó 輕鬆。

16.歹剃頭 pháinn-thì-thâ 事情難應付。

17.歹扭搦 pháinn-liú-la̍k 難搞。

18.鬥跤手 tàu-kha-tshiú 幫助他人解決困難。

19.𤆬班  tshuā pan　帶班。

20.開破 khui-phuà 開導。

21.唱聲 tshiàng-siann 以言語大聲威嚇、撂狠話。

22.拍人 phah lâng 打人。

23.激派頭 kik-phài-thâu 擺架子故意顯出自己的身分地位比別人高貴。

24.徛佇 khiā tī 站在。

25. in 他們。

26.恁 lín 你們。

27.捎著摠頭 Sa-tio̍h-tsáng-thâu　抓到頭緒。

28. 敨開 tháu--khui 解開。

29. 離經 lī-king 離譜、荒謬。

30.僫 oh 困難、不容易。

上了1年廖老師的社會課之後，你有什麼話想對老師說？

例如：

你最喜歡老師的哪個部分 ?

你覺得你不喜歡老師的哪個部分 ?

你在老師的身上學到的什麼 ?

你覺得老師教學分享當中什麼是讓你印象深刻的 ?

你覺得老師教學分享當中什麼是讓你覺得最有幫助的 ?

你覺得想要給老師什麼樣的建議 ?

讓老師接下來的教學可以有更好的表現來幫助未來的學弟妹~

歡迎留言給老師哦~😎

啟助到 內惟國小 培訓交通導護志工 112.04.13

【台文】 原底阿媽講欲坐門口, 欲走較方便, 結果對頭聽到尾,足足上3點鐘的課程, 志工阿媽佮我攏上甲足歡喜~ 若有其他的學校, 有需要導護志工的培訓, 啟助攏真歡喜去佮逐家分享喔~

【中文】 原本阿嬤們說要做門口, 要走比較方便, 結果從頭聽到尾,足足上了三小時的課程, 志工阿嬤們和我都上的很開心~ 若有其他的學校,有需要導護志工的培訓, 啟助都很樂意去和大家分享喔~

若有其他的學校,有需要導護志工的培訓, 啟助都很樂意去和大家分享喔~

做一個有溫度的老師｜智慧應對 耐心常伴｜【火金姑的旅程】

廖啟助師 參加【教育廣播電台高雄分台】專訪~ 《從資優教育到本土語的推手》收聽 操作 說明

廖啟助師 參加【教育廣播電台高雄分台】專訪~
《從資優教育到本土語的推手》收聽 操作 說明

 點下底的連結

   (上集 談資優教育、下集 談本土語的推動)  請點前面超連結收聽~

 入來

教育想像新樂園 的節目

手機仔 要往下滑 找到 01/27

看著 從資優教育到本土語的推手 的節目

揤（ji̍h） 收聽 就有當聽矣~
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

新年恭喜，
邀請逐家做伙來收聽啟助仔的分享，
你若是聽了感覺袂䆀bái，

請分享予閣較濟tsē的朋友做伙聽， 

會當對咱教囡仔有一寡仔參考， 

另外嘛會當予閣較濟人知影，

台語欲消失去的危機， 

予閣較濟人有母語欲滅亡的危機意識！

邀請所有的厝內面人佮好朋友，做伙來講母語，

因為捷tsia̍p講喙會順，捷做手袂bē頓，

只要咱有定定講，

母語一定會愈來愈好，愈來愈受人重視肯定哦～

註解：

1.袂䆀bē-bái：不錯。

2.一寡仔 tsi̍t-kuá-á：一些。

3.予 hōo：給。

4.閣較濟 koh-khah tsē : 更多。

5.知影 tsai-iánn：知道。

6.欲 beh : 即將要。

7.捷 tsia̍p : 常常。

8.喙 tshuì：嘴巴。

9.袂 bē： 不會。

10.頓 tūn：遲頓。

11.捷講喙會順，捷做手袂頓：比喻熟能生巧。

12.定定 tiānn-tiānn ：常常。