新 SUNNYMAN的教育天空

2026年4月19日星期日

台語語音合成網站 (會中文翻成台語並唸台語讓我們學)

台語語音合成網站(會中文翻成台語並唸台語讓我們學)

https://reurl.cc/npqlLl

輸入中文→ 1.產生台文 / 2.產生台羅及點字 / 3 講台語

選查晡(男)的發音，建議選1倍速

若發音選查某(女)的，建議選0.75倍來聽，較拄仔好(比較剛好)。

請照下底圖片說明操作，就會當設定。

2026年4月17日星期五

詩 | 廖啟助 | 花開tī佗位 (台文通訊第385期 )

佇咱的生活當中

定定攏有足媠的花蕊

佮足媠的風景

毋過真可惜大部分的人攏無看著

邀請所有的好朋友做伙來讀我寫的這首詩

祝福所有的好朋友

逐日攏會當欣賞著美麗的景色喔

=====================================================================

《花開tī佗位》

廖啟助

生活中

處處有美麗ê景緻

花　開tī春天

花　開tī公園、校園

花　開tī路邊、山--裡

花　開tī身邊、眼前

M̄-koh

仝款ê花

大部份ê人lóng bē要意

看bē著伊ê suí

花　開tī佗位

花　開tī

ē用心去體會感受

ē用心去欣賞、去觀察ê人心內

線頂完整的台文通訊BONG報 385期，2026年4月出刊 雜誌內文

請點後面連結~https://tsbp.tgb.org.tw/2016/04/ti.html

2026年4月15日星期三

吸管不可丟進排水孔總務處台語宣導 (有錄音檔)

《台灣母語日~鬥陣講台語~》

●文字朗讀聲音檔

請老師鬥提醒學生囡仔

欶管抑是有的無的

攏毋通擲入去排水空內底

若無洗手枱會窒牢咧！

總務處感謝逐家鬥相共~

啟助做的總務處台語宣導通知, 佮逐家分享, 若有合用, 會當直接提去用喔~

2026年4月13日星期一

啟助頭擺正式的線頂分享~鬥陣來做台語傳教士 115/4/16(四)19:30~21:00 線上課程

這是114學年高雄市國中台語教師專業精進社群的一節共備研習

時間是 115/4/16(四)19:30~21:00 線上課程
google meet 連結 https://meet.google.com/yau-ujcj-dyh

歡迎有時間, 有閒, 有興趣, 有關心台語(母語)的人, 
佇這禮拜四下暗 1920-2100, 點下面的連結, 
鬥陣來聽啟助 推捒台語的一點點仔經驗分享~

https://meet.google.com/yau-ujcj-dyh

母語正在快速消失, 需要大家一起來關心與復振, 
期盼大家一起來當母語或台語的傳教士, 
讓我們的子孫仍能一直聽到這美麗的母語或台語, 
讓母語 與台語能一直流傳下去~

用台語寫對厝內面人感恩的代誌.

1.先選3个欲感謝的人

2.先用中文寫第一个欲感謝的人,因為伊....3个感謝的理由

3.空三行 (預留三行要查中文翻譯台文的感謝內容,要換顏色寫)

4.空三行之後, 才再寫第2位要感謝的人及其理由.

5.空三行 (預留三行要查中文翻譯台文的感謝內容,要換顏色寫)

6.才再寫第3位要感謝的人及其理由.

7.空三行 (預留三行要查中文翻譯台文的感謝內容,要換顏色寫)

8.三位要感謝的人及每個要感謝的人的三個中文原因都寫好以後, 拿給老師檢查加分.

2026年4月5日星期日

落大雨做水災欠塑膠橐仔的問題, 食毒駕駛挵死人, 高雄恐龍展, 我的未來職業相關的台語新聞

2026年3月19日星期四

換遙控電池愛注意的所在

生活小提醒

正爿tsiànn-pîng的是鹼性電池

毋通裝佇tī 遙控佮時鐘頂面會共主機板燒歹去換電池愛特別細膩sè-jī喔！

上方便換遙控電池的方式: 共遙控提去小北百貨, in 會免費替咱拆開, 揣仝款的一模一樣的電池替咱換好, 毋免家己去買轉來換.

右邊的是鹼性電池

不可裝在遙控及時鐘上

會把主機板燒掉換電池要特別注意哦！

最方便換遙控電池的方式: 把遙控拿去小北百貨, 他們會免費替我們拆開, 找同款式一模一樣的電池替我們換好, 不用自己去買回來換

2026年3月9日星期一

2026年3月3日星期二

2026年2月22日星期日

散文 | 廖啟助 | 都市囡仔ê台語嘛會當 siah-siah叫 (台文通訊第383期 )

散文 | 廖啟助 | 都市囡仔ê台語嘛會當 siah-siah叫

現此時的台語，流失狀況非常嚴重，真濟囡仔毋若袂曉講，甚至連聽都袂輸是「鴨仔聽雷」，這款情形尤其是佇大都市的囡仔，特別明顯。我服務的學校，雖然是佇咱台灣上濟人講台語的高雄，毋過市區的囡仔嘛是有袂少人連聽都有困難，而且是真明顯佇仝年級的學生，愈後壁出世的年代，調查出來聽無的比例愈懸。是按怎會按呢？

就我上課的統計，上主要的就是厝內面攏無人咧講台語，抑是序大人干焦會佮頂沿的爸母講一寡台語（嘛是定定透濫足濟華語佇內面），毋過翁仔某之間，抑是對囡仔、對孫仔輩差不多攏全華語咧溝通較濟。遮的囡仔，佇厝足罕得有機會，甚至是強欲完全無當聽人講台語，才會造成𪜶連基本的台語對話都聽無。

我的學校佇正市中心的所在，國小加幼稚園的學生數差不多有2500个人，毋過佇下課的時陣，全校你去共揣，應該是揣無十个人用台語咧開講。佇這款學校環境，敢有法度培養學生，予伊講台語的能力進步，甚至予伊講甲足輾轉，佇全國語文競賽提著台語演說的特優咧？咱來做伙看覓仔，阮是按怎一步一跤印來達到這个目標！

人講「有心開山，山成園;有心拍石，石成穿」，只要有心，任何目標總是有機會來達成！所以佇學生通過校內的台語演說比賽，取著代表權了後，我就主動甲伊的序大人加LINE聯絡，甚至連阿公阿媽嘛做伙搝入來組一个訓練講台語的群組。

學生的阿公阿媽佮序大人本底就會曉講台語，毋過受大環境影響，慣勢佮囡仔講華語較濟，所以我第一項佮𪜶溝通的代誌，就是提昇𪜶講台語的意識。我共學生的厝內面人講，台語欲講會輾轉，上重要的就是愛先對厝內的長輩開喙講台語做起。

囡仔聽了有夠濟，伊才有法度開喙講台語，而且因為有人佮伊對話，伊毋若有聽的刺激，閣較重要的是佇聽著了後，伊隨會當反應練習按怎用台語來表達、來佮人互動溝通。閣再來，咱厝內面的長輩，就親像是囡仔的台語家教老師仝款，當伊袂曉講，抑是講了重耽的時陣，會當佇邊仔隨時共輔導牽教，陪伴伊做伙學習成長。

予厝內的大人先有台語意識，了解台語環境對提昇台語能力的重要性了後，我就請𪜶規厝內面人培養講全台語的習慣，因為按呢效果上好！拄開始大人嘛會轉袂過來，猶加減會用華語來講，毋過透過指導老師的提醒鼓勵，大人就愈來愈慣勢講台語，大人囡仔同齊進步，做伙共台語抾轉來兼提昇表達能力。

囡仔佇厝講台語的時間佮機會綴咧愈來愈濟，會曉講的詞彙就一直咧增加，仝款的意思開始有法度用無仝的語詞講法來表達，聲調嘛愈講愈自然，甚至佇講的過程當中，自然學會曉變調。為著欲予𪜶規厝內面人的台語地基緊鞏予在，我佇群組佮𪜶對話，大部份攏拍台文予𪜶看佮讀，閣鼓舞𪜶去參加教育部的台語認證考試，𪜶真認同我的建議，規口灶——阿公、阿媽、老爸、老母加囡仔，五个人做伙去報名，真正予我足感動！尤其是72歲的阿媽，加減會佇群組練拍台文。這款行動力，予我感覺辛苦付出足有成果嘛足感心的！

創造台語家庭環境了後，囡仔的台語底蒂就慢慢仔有基礎矣。這个時陣老師加強指導，親像：抽著題目了後，欲按怎準備演講的內容重點、鋪排演講的結構，閣有學習欲按怎有理路來回答評判老師的提問等等的能力。

另外，因為囡仔本身真肯學、耐操閣足骨力練，爸母佮阿公阿媽非常認真配合老師的要求，全家總動員，用心陪伴伊做伙綿櫼練習，老師、所有的親情，攏予伊真大的鼓勵佮祝福，加上天公伯仔的疼痛，予伊真順利，一路對縣市的分區賽、市決賽，一直拚到全國語文競賽，一路過關斬將，最後得著『特優兼生動自然獎』遮爾好的表現！

人講「番薯毋驚落塗爛」，雖然現此時社會的本土語意識佮講母語的環境無界好，毋過只要咱有堅心，有正確的理念，願意徛出來，用時間費精神佮家長學生溝通，提昇𪜶的台語意識，爭取𪜶的認同，親身做予𪜶看，有共同的目標，鬥陣欲共台語抾轉來，規家伙佮老師同齊做伙拚，都市囡仔的台語嘛會當共教甲siah-siah叫喔！

=====================================================================

【中文版】

現在的台語，流失狀況非常嚴重，許多孩子不僅不會說，甚至連聽都像是「鴨子聽雷」，這種情況尤其是在大都市的孩子，特別明顯。我服務的學校，雖然是在我們台灣最多人說台語的高雄，但市區的孩子也是有不少人連聽都有困難，而且很明顯在同年級的學生，愈後面出生的，調查出來聽不懂台語的比例愈高。為什麼會這樣？

就我上課的統計，最主要的原因就是家中都沒有人在說台語，或做爸媽的只有和上一輩的父母說一些台語（也是常參雜很多華語在裡面），但夫妻之間，或對孩子、對孫子輩差不多都全華語在溝通較多。這些孩子，在家裡很難得有機會，甚至是快要完全聽不到有人說台語，才會造成他們連基本的台語對話都聽不懂。

我的學校在正市中心的地方，國小部加上幼兒園的學生差不多有2500個人，但在下課的時候，你去全校尋找，應該是找不到十個人用台語在聊天。在這樣的學校環境，有沒有辦法能培養學生，讓他說台語的能力進步，甚至讓他說得很流利，在全國語文競賽取得台語演說的特優呢？咱們來一起看看，我們如何一步一腳印來達到這個目標！

人家說「有心開懇山林，山林可變成林園;有心打鑿石頭，石頭也可鑿穿」，只要有心去努力，任何目標總是有機會來達成！所以在學生通過校內的台語演說比賽，取得代表權後，我就主動和他的父母親加LINE聯絡，甚至連爺爺奶奶也一起拉進來組一個訓練說台語的群組。

學生的爺爺奶奶和長輩本來就會說台語，但受大環境影響，習慣了和孩子說華語較多，所以我第一項和他們溝通的事情，就是提昇他們說台語的意識。我對學生的家人說，台語要說得流利，最重要的就是要先從家裡的長輩開口說台語做起。孩子聽了夠多，他才有辦法開口說台語，而且因為有人和他對話，伊不只有聽的刺激，更重要的是在聽到之後，他立即可以反應練習如何用台語來表達、來和人互動溝通。再來，我們家裡面的長輩，就像是小孩子的台語家教一樣，當他不會說，或說得不正確的時候，可以在一旁隨時給予輔導教導，陪伴他一起學習成長。讓家裡的大人先有台語意識，了解台語環境對提昇台語能力的重要性之後，我就請他們全家人培養說全台語的習慣，因為這麼效果最好！剛開始大人也會切換不過來，還多少會用華語來說，但透過指導老師的提醒鼓勵，大人就越來越習慣說台語，大人小孩同時進步，一起把台語撿拾回來並提昇表達能力。孩子在家中說台語的時間和機會跟著越來越多，會說的詞彙就會一直增加，一樣的意思開始有辦法用不同的語詞說法來表達，聲調也越說愈自然，甚至在說的過程當中，自然學會變調。為了要趕緊把他們全家人的台語地基紮穩，我在群組和他們對話，大部份都打台文給他們看和唸，再鼓勵他們去參加教育部的台語認證考試，他們很認同我的建議，全家人—爺爺、奶奶、父親、母親與孩子，五個人一起去報名，真的讓我很感動！尤其是72歲的奶奶，加減會在群組練打台文。這種行動力，讓我覺得辛苦付出很有成果也很感動！創造台語家庭環境之後，小孩子的台語根基就慢慢地有基礎了。這個時候老師加強指導，像：抽中題目後，要如何準備演講的內容重點、鋪排演講的結構，還有學習要如何有條理的回答評判老師的提問等等的能力。

另外，因為孩子本身很肯學、耐操並很努力練習，父母和爺爺奶奶非常認真配合老師的要求，全家總動員，用心陪伴他一起勤奮練習，老師、所有的親戚，都給他很大的鼓勵和祝福，加上老天爺的疼愛，讓他很順利地，一路從縣市的分區賽、市決賽，一直力拚到全國語文競賽，一路過關斬將，最後獲得『特優兼生動自然獎』這麼好的表現！有人說「蕃薯不怕生長在爛泥巴」，雖然現在社會的本土語意識和說母語的環境不大好，但只要我們能堅定信心，有正確的理念，願意站出來，用時間費心思和家長學生溝通，提昇他們的台語意識，爭取他們的認同，親自做給他們看，有共同的目標，一起要把台語撿拾回來，全家人和老師一齊努力拚博，都市孩子的台語也可以把它練到頂呱呱哦！