抽菸的害處 (作文)

教菸害防制兼傳承台語(1140603 啟助到新光國小菸害防制學生心得分享）

 

非常感謝雅婷老師用心撥工整理學生囡仔的回饋單，我特別邀請我的細漢查某囝佮我鬥陣看in手寫的回饋單，細漢查某囝講：哇，in的字哪會攏遐媠，有一个佮我寫的字足成呢，in寫的內容是按怎來的？哪有法度寫甲遐完整？

我講：因為in上課攏真專心真用心，閣加上阿爸的上課方式真趣味，所以in當然就學著足濟矣！（總是愛佇家己的查某囝面頭前家己褒一下🤣）

我看著in寫的內容予我足感動，尤其是大部分的囡仔in的字毋若認真寫，字體閣足媠的，而且閣會當共in佇課堂學著的代誌抑是心情描寫出來，其中猶有幾若个有感受著：

我除了欲教in 菸害防治，嘛順紲咧推廣台語，真正足歡喜，in有共我想欲傳送予in的禮物收著。

所以邀請所有想欲推廣台語的好朋友，佇生活當中，咱會當有意識使用台語佮囡仔做伙來分享、交流智識，大部分的囡仔攏聽有(免驚in聽無)，in嘛會當感受著咱想欲傳承台語的心意喔~

最後再次感謝雅婷老師對我的肯定邀請，我才有機會來佮新光國小的囡仔交流，而且閣佇宣講活動了後辛苦整理資料佮分享，我才有今仔的資料佮逐家分享，真正足感恩的~💕

這馬咱就來看新光國小學生囡仔，上我的菸害防制課程了後的心得(請點圖片放大來看喔)，學生的回饋足精彩，請點下底的相片，一張一張欣賞喔~ (若是用手機仔看學生寫的內容，請將手機仔設定做會自動轉橫的，按呢看學生寫的字才會較大字較清楚喔)

若是看我的文章了後, 有一寡想法，歡迎你佇下面留話予啟助，多謝。💞

1140603 啟助到新光國小菸害防制宣導 + 好康報報

感謝新光國小生教組長~陳雅婷老師的邀請佮肯定，予我有機會到新光國小佮6年的學生分享「菸害防制」，更加感謝你堅持對囡仔有幫助的代誌就去爭取兼費心安排規劃，然後閣用心將我上課的過程整理佮逐家分享，而且閣幫我鬥放送宣傳，真正足感恩你的付出。

至底啟助是按怎進行這節「菸害防制」的課程，對咱的學生囡仔敢有實際的幫助，咱來看新光國小陳雅婷老師的分享介紹~

●雅婷老師對啟助老師的課程分享與推荐 https://www.facebook.com/share/p/1AUSfEY41w/ (請點左邊 / 上面 超連結觀看)

●同場加映： 啟助到光武國小 菸害防治制宣導+學生回饋1140526 (請點左邊 / 上面 看啟助老師到光武國小 上菸害防治的 學生課程回饋)
●好康報報  看完了上述的分享，若有希望啟助老師可以到貴校進行宣講的話，

歡迎撥電話到四維國小 3348199 轉分機 320 與我聯絡

高雄市衛生局現在　還有 菸害防制宣講 額度可申請，

各校只要有意願來電或來信申請(最慢不超過8月底)，

心衛中心都還是會同意各校申請菸害防制宣導補助喔，

每校最多可申請三節課補助、 每節課有１０份超豐富的禮品

每堂課成果只要交４張照片、請學生寫問卷收回。

鐘點費憑證都已幫忙打好了， 只需印出即可。

高雄市政府衛生局 社區心衛中心

專案助理 吳青育 敬上

電話：(07)713-4000#1635

歡迎大家向衛生局心衛中心提出申請.  

E-Mail:isaacwu@kcg.gov.tw；khgame0100@gmail.com 

114年高雄市菸害防制宣講實施計畫
(請點上面下載)

啟助到光武國小 菸害防治制宣導+學生回饋1140526

【台文=》請用台語唸】過去的我，因為做生教組長，所以有機會接觸著菸害防治的研習課程，去參加研習了後，予我深深感受著，原來食薰(抽煙)對咱的身體會造成遮大的傷害，所以我轉來學校了後，就開始規劃設計課程，佇我的學校做宣講，因為聽過宣講的導師佮學生的反應攏誠好，所以我就主動向衛生局建議，希望有機會會當去其他學校，分享我的課程予其他學校的學生知。後來衛生局有將通過研習而且閣願意到其他學校宣講的講師名單做整理，予全高雄市的學校通來申請。真歡喜嘛真感謝光武國小李老師的邀請，予我有機會會當開始去外校宣導菸害防治，而且閣用心記錄我上課的過程，以及佮我分享學生用心所寫的問卷，真正足感恩李老師來鬥相共佮付出。

光武國小的學生真優秀，除了上課認真學習，嘛真大方回答我的提問，下課了閣會當將所學著所感受著的，用文字詳細分享出來，想袂到我的課程會當予囡仔遮大的影響佮佮意，尤其這閣是我頭一擺去外校做菸害防制的演講，真正是予我足大的鼓舞佮肯定，所以我特別將上課的過程佮學生的回饋整理出來佮逐家分享，若是其他學校有需要啟助去宣講分享，隨時攏歡迎佮我聯絡喔~

學生的回饋足精彩，請點下底的相片，一張一張欣賞喔~ (若是用手機仔看學生寫的內容，請將手機仔設定做會自動轉橫的，按呢看學生寫的字才會較大字較清楚喔~)