相信真濟人攏有去陪考的經驗，尤其是做爸爸媽媽的人，毋過你去陪考的時，敢有啥物款的感受? 廖老師除了陪囡仔去考高中會考，閣將我陪考的心情佮感受記錄落來，開差不多20外分鐘去整理書寫投稿，仝款運氣足好ê，又閣予《台文通訊》的編輯老師肯定，刊佇 2024年8月 第365期的雜誌內面，邀請逐家做伙來讀看覓。
這首詩是咧描寫做爸媽面對青少年的愛佮關心互動，
毋知你看了敢有啥物款的想法，
若是有的話，
歡迎你會當留話予我，勞力~
●佮逐家分享一寡我所看著的好資料 ~有任何想法,歡迎留話給我^^ ●文圖影音等相關資料，純教學分享， 若有侵權煩請留言告知，必立即移除，感謝您的包容與無私分享~
2024年9月24日 星期二
散文 | 廖啟助 | 用買冊ê行動來thīn冊店頭家 (台文通訊 第363期 )
廖老師將我tshuā查某囝轉去台南歸仁ê「多米文化廣場」冊局看冊的經過佮感受，整理記錄去投稿，運氣真好，有予台文通訊的老師肯定，刊佇 2024年6 月 第363期的雜誌內面，邀請逐家做伙來讀看覓。
https://tsbp.tgb.org.tw/2015/07/ethin.html
2024年9月18日 星期三
2024年9月8日 星期日
2024年9月2日 星期一
皮包仔無去矣 (劇本)
第十一冊 第一課 驚著無代誌 《皮包仔無去矣》
場景：人潮洶湧的夜市
口白：拜五下暗，丸仔規家伙仔歡歡喜喜咧踅夜市。
（那踅那討論欲食啥物，逐擔看起來攏真好食款，看甲喙瀾強欲津落來矣。）
丸仔：我欲食燒番麥、臭豆腐、蚵仔煎，閣有麵線佮牛排！
豆仔：敢袂傷濟？你食袂了啦！
阿母：無，咱會當每一種攏叫一份，規家伙仔做伙食。
阿爸：好啊、好啊，就按呢決定矣！
場景：人來人往的夜市
（阿母徛佇擔仔位頭前咧揣皮包仔，面色愈來愈緊張。）
阿母：奇怪，是走去佗位？
豆仔：阿母，發生啥物代誌矣？
阿母：我出門進前明明有紮皮包仔，哪會揣無？
阿爸：我看咱照原路行轉去揣好矣。
（規家伙仔那行那揣的時，阿母雄雄接著電話。）
阿母：喂──
對方(警察)：請問，你敢是廖惠美小姐？
阿母：是，請問佗位揣？
對方(警察)：我遮是真平派出所，有人抾著你的皮包仔送過來，你這馬敢有閒過來一逝？
阿母：好、好、好，我隨過去。
警察：廖惠美小姐，有人佇夜市仔門口抾著你的皮包仔送過來，你檢查看覓內底的現金、證件佮信用卡敢有無去，若無問題就會使提轉去矣。
阿母：攏佇咧，無問題，多謝啦！
阿爸：啥？佇門口就落去矣，毋就好佳哉拄著好心的人，無，這聲就害矣。
警察：是啦！所以後擺愛較細膩咧。
（豆仔佮丸仔咧開講，看起來真歡喜。）
丸仔：足新奇的，這是我頭一擺來派出所呢！
豆仔：著啊，警察看起來足厲害的！
阿母：以後恁若是抾著別人的皮包仔，第一時間嘛愛送來派出所，因為無去的人會足煩惱的。
阿爸：恁若是無送派出所，共紮轉去厝裡，顛倒有可能去予人告侵占，按呢就犯罪矣，知無？
丸仔、豆仔：阮知矣！
2024年9月1日 星期日
訂閱：
文章 (Atom)