【台文=》請用台語唸】過去的我，因為做生教組長，所以有機會接觸著菸害防治的研習課程，去參加研習了後，予我深深感受著，原來食薰(抽煙)對咱的身體會造成遮大的傷害，所以我轉來學校了後，就開始規劃設計課程，佇我的學校做宣講，因為聽過宣講的導師佮學生的反應攏誠好，所以我就主動向衛生局建議，希望有機會會當去其他學校，分享我的課程予其他學校的學生知。後來衛生局有將通過研習而且閣願意到其他學校宣講的講師名單做整理，予全高雄市的學校通來申請。真歡喜嘛真感謝光武國小李老師的邀請，予我有機會會當開始去外校宣導菸害防治，而且閣用心記錄我上課的過程，以及佮我分享學生用心所寫的問卷，真正足感恩李老師來鬥相共佮付出。
光武國小的學生真優秀，除了上課認真學習，嘛真大方回答我的提問，下課了閣會當將所學著所感受著的，用文字詳細分享出來，想袂到我的課程會當予囡仔遮大的影響佮佮意，尤其這閣是我頭一擺去外校做菸害防制的演講，真正是予我足大的鼓舞佮肯定，所以我特別將上課的過程佮學生的回饋整理出來佮逐家分享，若是其他學校有需要啟助去宣講分享，隨時攏歡迎佮我聯絡喔~
沒有留言:
張貼留言
歡迎留言給我