五月天【洗衣機】MV官方完整版

散文 | 廖啟助 | 阿爸的「症頭」

阿爸的「症頭」

作者：廖啟助

 

下暗，我手機仔攑咧，那行路那看手機仔頂面的影片，準備欲去利便商店換茶米卵。毋過因為我足注心咧看影片，根本就袂記得手機仔早就提佇咧手裡。

        結果行到社區大門的時，雄雄想著：「啊！無紮手機仔出門，欲按怎共人換茶米卵？」我隨閣行轉來厝內欲揣手機仔，而且對客廳揣到灶跤，閣對灶跤揣出來到門跤口，仙揣就是揣無我彼支手機仔。 

這咧時陣，細漢查某囝看我佇遐行來行去，問我講：「阿爸，你咧創啥？」 

我講：「我咧揣手機仔啦！」 

伊共我看一下，應講：「手機毋是提佇你的手裡？」 

我共頭向落去，看著手蹄仔內面的手機仔，驚一下講：「啊，喔！我竟然攏共手機提佇手裡咧看影片，莫怪我佇遐揣規半晡攏揣無！」 

查某囝看了，一直晃頭，真無奈講：「hóo！阿爸，你才幾歲爾，你就咧開始侗戇喔？」 

我問伊：「按呢，你敢會煩惱恁阿爸我出去會行袂轉來？」 

伊講：「我一點仔就袂煩惱。」 

我問伊：「為啥物？」 

伊講：「就我看你平常時仔佮人交陪的狀況！你若真正揣無路通轉來，你交陪遮曠闊，熟似你的人閣遐爾濟，人一定會共你送到厝的。所以我一點仔就袂煩惱啦！」 

我笑笑仔講：「哦～按呢，你真正對恁阿爸真有信心喔！」

115 廖老師台語課的要求

 

上課進前

1.共名牌囥桌仔頂囥予好.

2.課本、筆記簿仔準備予好.

3.先去便所、啉水.

4.資訊長：負責開blog. 台語線頂課文、台語詞典 三ê網頁、開投影機

●每一擺上課進前，開

日常生活學台語一定要會的閩南語 系列

(生活中常用2000字)  綴tuè唸

上課的時.

1.專心聽課(目睭看老師)

2.主動大方回答問題.(會當講幾句幾ê詞嘛好)

3.用台語回答加雙倍分數、中文加分.

4.認真用心寫筆記

5.袂當趴咧、托(thuh)喙下斗上課

下課了後

1.盡量佮同學、老師、厝內面人講台語

2.用心完成老師交待的作業

(1)去詞典網站查家己的名的羅馬字寫法, 寫佇名牌頂面.

(2)閣共影片看一táu

(3)共班上的同學講台語 (老師會調查兼佮班上的獎勵制度結合)

散文 | 廖啟助 | 天公疼戇人 (台文通訊 第389期 )

感謝校長, 主任, 大哥以及所有來鬥相共的同事。

啟助將阮佇風颱天, 逐家做伙出來鋸樹仔、整理校園環境的溫暖過程記錄落來去投稿, 運氣真好, 有刊出來, 邀請逐家做伙來讀看覓~

散文 | 廖啟助 | 天公疼戇人 (台文通訊 第389期 )

「阿爸，新聞毋是已經報講今仔日停班停課，你哪會閣趕欲去上班？」阮查某囝按呢問，我講：「因為風颱來，毋但共學校的樹仔吹甲東倒西歪閣倒規大倒，需要去鬥鋸樹仔整理環境！」伊應：「hóo，你真正有夠戇的，明明電視就宣佈講會當佇厝歇睏，你閣硬欲拚去學校做工課，真正予你拍敗矣！」

 雖然停班停課，毋過校長煩惱倒去的樹仔，會影響民眾佮學生家長佇學校出入的安全，伊希望會當趕緊共校園的環境復原。伊請總務主任招看有人會當來鬥相共無，想袂到主任佇群組一下呼，包掛校長、主任，隨有7-8个人會當來鬥相伨。

 人講工夫好，嘛愛家私齊(tsiâu），現此時已經有人欲來鬥相共矣，紲落來就是愛有家私，其中上重要的就是電鋸！學校有蓄（hak）一台電鋸，會當較省力省時來鋸樹仔。毋過干焦一台，用久嘛是會鈍去，所以尾仔油閣按怎摧，樹枝就是鋸袂斷。校長請工友先歇睏，我嘛贊聲講：「著啦，有可能鏈仔鈍去矣，我來共電鋸載去予頭家看會當處理無？恁先啉一下仔水歇一下。」

 

去到五金行，我問頭家：「這電鋸的鏈仔敢有法度磨？」頭家應講：「會使啊！毋閣你愛等喔！」我講：「無要緊，因為學校的樹仔倒太濟咧，若無這支電鋸真正做無路來。」頭家一下聽著我講是學校欲用的，隨應講：「原來是學校欲用的，按呢我先來共你磨。」

 

    我趕緊共頭家說多謝，閣問頭家按呢愛偌濟錢，頭家講：「算你100就好！」我聽一下心內想講：「哇，哪會遮好，頭家欲共我鬥磨，毋免換新鏈仔，就已經省真大條矣，想袂到磨鏈仔的工錢嘛算遮爾俗，真正趁著矣！」

 

電鋸磨利了後，阮閣繼續鋸，繼續整理環境，等阮攏款甲差不多的時，天開始咧滴雨。人講「有願就有力」，當當你決心想欲去做一項代誌，全世界的力量攏會集中起來共咱鬥相共。看著這工來學校處理倒去的樹仔遮爾順序，問題一項仔一項解決，雨嘛閬予阮好做工課。雖然阮這陣人看起來真戇，煞是天公伯仔上疼惜的戇人。

線頂完整的台文通訊BONG報 389期，2026年8月出刊 雜誌內文

請點後面連結~https://tsbp.tgb.org.tw/2016/08/gong.html