新 SUNNYMAN的教育天空

2024年3月25日星期一

火災生存術(完整版-台語)

每一冬發生的火災平均有幾件?

啥物類的火災上濟?

傷亡的原因?

發生火災的時, 關門佮開門有啥物差別?

民眾佇火災遇著的三大傷害 ?

火場內面頭號的殺手是啥?

看著烏煙的時, 敢會當逃生 ? 愛按怎做?

厝內的天篷佮門愛有啥物條件？

房間內若是有啥物會閣較好?為啥物?

2024年3月23日星期六

2024年3月18日星期一

故鄉葉啟田

葉啟田

故鄉

作詞：鄭進一/陳維祥

作曲：鄭進一

(故鄉故鄉　故鄉故鄉)

有幾間厝　用磚仔鞏　看起來普通普通

時常出現　我的夢中　彼就是我的故鄉

蹛一陣人　真正善良　面上攏帶著笑容

安分守己　士農工商　彼就是我的故鄉

暗時仔　廟口　聽大人膨風

叔公講　日本時代　伊上蓋勇

姨婆唱著望春風

彼就是我的故鄉

想起著可愛的故鄉

予我意志堅強

在我的拍拼奮鬥人生中

彼就是　鼓勵我　最大的力量

有幾間厝　用磚仔鞏　看起來普通普通

總有一日　我會成功　倒轉去我的故鄉 ps. 原音影像 https://www.youtube.com/watch?v=A6n0Z3N3vYg&t=751s

2024年2月26日星期一

啟助佇【高雄廣播電台】/ 【佮臺語行做伙】的節目開始播送矣

113.04.24 更新

因為新節目會把舊的節目給蓋過去, 所以啟助的電台訪談內容，

請點底下內容收聽, 謝謝。

https://drive.google.com/file/d/1IctE1jcNGfJ3RmWnpzTtGuzIIN7T1Mi3/view?usp=sharing

2024年2月19日星期一

散文 | 廖啟助 | 【阿母的故事】 107年全國語文競賽閩南語朗讀文章(教師組)

❤分享阿母細漢讀冊的故事, 勉勵所有的囡仔愛珍惜會當讀冊的機會~

08阿母的故事

廖啟助

阿母有七个兄弟姊妹，伊是上大漢的，紲落去是阿姨。因為佇五六十冬前，作穡人的環境攏無好，序大人愛出去趁錢，厝裡的囡仔，攏是叫大漢的鬥顧較濟，所以阿母佮阿姨兩个人自細漢就愛照顧四个小弟。較早的年代，國校仔一禮拜愛讀六工。因為厝裡的小弟需要人顧，阿母佮阿姨兩个人就輪流去讀冊，一个讀一三五，一个讀二四六。

因為厝裡的環境無好，若有閒的時，伊就會做瓜笠仔、畚箕，加減趁寡所費通買簿仔紙、鉛筆佮拊仔。彼个時陣的簿仔紙誠貴，阿母練寫字的時，攏會雙面寫。等兩面攏寫滇的時，才閣提拊仔共寫過的字全部拊予清氣，通會當閣寫。買鉛筆嘛是一項開銷，除了家己做工課趁錢去買以外，伊會去抾好額的同學欲擲㧒捔的鉛筆來寫。這款鉛筆常在攏是無蓋好扲，毋過若是欲寫猶閣會使寫誠久，伊就會共鉛筆尾仔小削一下，提一枝原子筆管共鬥起去，按呢原底短短的鉛筆就又閣變長，變好提好寫矣！

阿母讀國校的時代，一班有五六十人。伊雖然讀一工閬一工，毋過上課攏足專心。若是拄著隔工無去上課，伊就佇放學彼跤兜，𤆬阿舅in做伙去路仔等同學，請教同學看今仔日老師教啥物、派啥物功課，轉來厝就會緊利用時間寫功課。有袂曉的所在就做記號，隔工提去問老師，阿母就是按呢保持好的成績。

佇較早欲讀初中是愛通過考試才會當讀。老師看阿母的功課攏保持佇頭前，煞讀一工閬一工，就去厝裡做家庭訪問。後來才知影阿母的苦衷，老師主動欲推薦伊保送去讀初中，只不過外媽in兜家境實在無好，姑不而將只好放棄這个好機會。

阿母自細漢就共阮講伊的故事，叫阮愛珍惜會當讀冊的機會。因為有阿母的鼓勵佮牽教，我才有今仔日。我嘛常在講阿母的故事予我的學生聽，in聽了嘛加足捌代誌，會較認真讀冊，所以才想欲分享阿母的故事予閣較濟的學生聽，勉勵in會當知福惜福，認真拍拼讀冊，做一个有路用的人！ 107年全國語文競賽閩南語朗讀(教師組).pdf

2024年2月12日星期一

【啟助甲辰龍年的祝福】

啟助祝福所有的老師、長輩、好朋友

佮恁的厝內面人

甲辰龍年大吉利
事事項項龍順序

工作如意龍趁錢
頂司人客龍佮意

翁某仝心笑微微
囡仔乖巧好育飼
貼心有孝又伶俐
考試成績足滿意
金榜題名真歡喜
用心學習成大器
待人處事蓋客氣
做人成功閣謙虛
眾人呵咾牽成伊
熱心付出捷布施
喙笑目笑過日子
平安健康迎龍年
無煩無惱食百二
心想事成龍如意

113.02.12 (正月初三)

ps.頂面的圖片是蒐集自朋友所分享予我的祝福,純粹共遮的美好的祝福佮眾人分享,版權是原作者所有, 若有侵權的所在,敬請諒解通知,會馬上移除, 感恩~

新正年頭講好話句

2024年1月16日星期二

風水世家 Ep 001

語言的學習，除了課堂上的，

更重要的是生活中的學習與文化融入，

所以老師幫大家挑了這部「風水世家」台語連續劇。

劇中演員的台語口說能力很流利又道地，

劇本又有許多俗諺語在其中，
並有許多待人處事及孝順父母長輩的教育意涵，

值得大家在空檔，特別是在寒假觀賞，

ps. 後面劇本開始偏掉(從林明德想要賺大錢開始),

但印象中前面20集(我沒去細部確認)是編的滿好的,

大家可以參考~

祝福大家能透過影片欣賞，提昇自己的台語能力哦~

2024年1月15日星期一

精通20種外語大師分享學習秘訣！

為家己來學 (寫筆記) ?
享受看這項語言影片、電視劇、新聞...

成功的人揣tshuē方法

失敗的人揣tshuē理由

向成功的人學習 (見賢思齊)
問他人如何做的 ?

課堂上要勇敢發言 !

2024年1月1日星期一

【112.12.31 高雄廣播電台分享推捒台語經驗談】

佇2023 上尾一工12.31 禮拜日，

予淑昭老師邀請來高雄廣播電台，

參加伊的【佮台語行做伙】的節目，

分享家己推捒台語的一寡經驗，

真正是足榮幸嘛是足有意義的代誌~

向望所有會曉講台語抑是其他母語的人，

會當有意識去觀察身軀邊仔的人，

in 一工內面講幾句母語、

佇你的厝裡、上班的場合、超商、車頭...

你會當聽著幾个人講母語？

這馬的阿公阿媽對囡仔, 尤其是對孫仔，

敢閣有咧講母語？

希望咱會當透過按呢的觀察來去感受

「保存母語的意識」

佮

「愛有母語欲消失去的危機意識」

的重要性!

紲落來, 勉勵對家己做起，

盡量全母語來佮身邊的人溝通分享~

拄開始欲學講母語的人,

講毋著、抑是袂曉講,

這攏是足正常的代誌,

毋過,

咱攏毋免驚，

因為驚驚袂著等,

互相漏氣會當求進步喔~

相信咱只要定定講,捷捷講,

人講「捷講喙會順，捷做手袂頓」,

抱著「有心開山山成園，有心拍石石成穿」的堅定信念,

一定會當共母語抾轉來!

紲落去, 閣加上咱的推捒,

開始來影響咱身軀邊的人,

予身邊的人聽會著母語,

予in有人會當共伊講母語,

予母語看會著,

予母語用會著,

母語的路一定會愈行愈闊愈行愈順~

講台語是足奅phānn的代誌~

佮台語行做伙, 咱鬥陣來~

113.04.24 更新

因為新節目會把舊的節目給蓋過去, 所以啟助的電台訪談內容，

請點底下內容收聽, 謝謝。

https://drive.google.com/file/d/1IctE1jcNGfJ3RmWnpzTtGuzIIN7T1Mi3/view?usp=sharing

2023年12月25日星期一

臺語朗讀〈阮兜的老大的〉許舒涵｜112年全國語文競賽國小組

2023年12月24日星期日

蕭煌奇阿公的舊皮衫

2023年12月23日星期六

bilingual fish (雙語魚)

2023年12月18日星期一

蕭煌奇阿嬤的話 (完整版導唱字幕MV)

2023年12月16日星期六

佇灣內國小用台語來演講宣導交通安全教育的重要性

今仔日真歡喜來到仁武的灣內國小分享。這是一間全新的學校，以綠建築的方式來設計建設，整體攏用白色的色水來規劃全校的教室，予人看起來感覺真媠真高雅。雖然學校的班級數佮教員無濟，毋過來參加研習的教師真踴躍，而且上課攏足認真聽課，嘛真大方佮台仔頂的講師對話交流，大範回答老師的提問。透過in專心的眼神，佮熱情的討論，會當佮遮爾認真上進的老師做伙分享成長，真正是一件足幸福的代誌。

佇這擺的演講分享，除了佮往過仝款，差不多全程有80-90%用台語來分享交通安全教育的重要性，我使用閣較濟的台語字佇簡報頂面，希望一面分享重要的交通安全觀念，更加希望予其他的老師佮大眾會當有機會看著台文，出現佇毋是教課書頂面的情境，也就是予台文生活化！順紲透過課後學員的回饋表，了解in有法度接受講師用台語演講分享無？抑是敢會當接受簡報頂面用台文來表示。透過學員的回饋，有9成會當接受用台語來宣講分享；有8成7的學員會當接受佇簡報頂面用台文來表示。

雖然我的學員樣本無濟，干焦22位老師來聽課，毋過透過我實際的分享結果證明, 台語毋是干焦會當用佇本土語課來指導學生，嘛會當佇公開場所來做正式的演講，更加會當用台文字來做分享。所以邀請所有會曉講佮寫的台語友志，咱若有機會出去分享演講的時, 盡量愛把握機會共台語佮台語文字宣傳出去喔~

#台語詞說明

1.色水 sik-tsuí 顏色。

2.媠suí漂亮的。

3.無濟 bô tsē不多。

4.毋過m̄-koh不過、但是。

5.攏lóng 都、皆、全部。

6.足tsiok很、十分。

7.嘛mā 也。

8.大範tuā-pān一個人的舉止十分大方、自然，不受拘束。

9.會當ē-tàng可以。

10.遮爾tsiah-nī這麼。

11.做伙tsò-hué一起、一塊兒。

12.佇tī 在某個地方。

13.這擺 tsit pái 這次

14. 往過íng-kuè以前

15.閣較濟koh-khah tsē又更多

16.毋是m̄ sī 不是

17.頂面tíng-bīn 上面

18.順紲sūn-suà順道

19.有法度ū-huat-tōo有辦法

20.干焦 kan-na 只是

2023年12月13日星期三

為何有運動😓身體還是不會好?

2023年11月20日星期一

生活台語02｜學校｜設備用具用品

生活台語01｜學校｜處室場所設備

上課舉手發言的好處

圖片來源：https://m.2008php.com/tuku/978339.html

老師發現很多孩子, 上課不敢舉手發言，其實舉手發言是綜合性非常強的鍛鍊，有許多的好處，列舉如下：

1.提高上課專注力

2.提高學習成效

3.增加老師對你的好印象'

4.訓練思維能力

5.提昇口語表達能力

6.培養落落大方的態度

7.增加膽識與自信心

8.培養未來升學或就業的面試表達力....

所以在課堂上能發言的表現，都是一次次自我成長的好機會，懂得把握的學生，將會不斷的增能成長，但相反的，每失去一次的發言機會，就是一次次的機會損失！

因此各位孩子們，記得好好把握這麼棒的自我成長機會哦~

2023年10月25日星期三

教育部113年3月份閩南語認證考試 10月23日開始報名

　教育部自112年起，一年辦理2次閩南語語言能力認證考試，113年3月份考試有A、B、C三卷，8月份考試則為A、B兩卷，特別提醒考生，8月份的A卷考試將首次採取「電腦化測驗」（其中書寫測驗維持紙筆作答）。

　　教育部113年3月份閩南語認證，報名時間自112年10月23日上午9時起，至11月20日下午5時止，報名身分不限國籍和年齡，只要對閩南語有興趣者，皆可上網報名參加；報名費新臺幣250元，19歲以下免費；考試當天完成所有測驗項目（聽、說、讀、寫4項），就能獲得獎勵品1份。而113年3月份考試簡章及2次考試重要日程表已公布於考試官網。