【教冊的成就感】

今仔日(109.10.21 拜三)下課的時，囡仔問我敢結婚啊？

我講:你感覺咧？

囡仔講:我感覺老師你一定結婚矣！

害我小可仔失望，因為我原底佇心肝頭想講，in敢會認為我猶足少年，所以猶袂結婚，想袂夠一个囡仔竟然連想都無想，隨應講:我臆老師已經結婚矣~

我只好共我的失望的心情掩蓋起來，假做足鎮靜，當做完全無代誌發生過仝款，問伊為啥物按呢想?順紲佇心內想講，敢會我真正看起來足老矣，所以伊才會按呢想！

伊應講:

因為我感覺老師你是一个足好的人，攏足用心咧教阮，嘛足關心阮，定定鼓勵呵咾阮，抑是會講笑詼予阮聽，所以一定足濟查某囡仔足佮意你，所以老師一定足早就予人註文去矣，才會臆你已經結婚矣！

聽學生囡仔按呢講，心內感覺真正足歡喜e5 ~