臺語朗讀〈阮兜的老大的〉許舒涵｜112年 全國語文競賽 國小組

【阿公的電視機】 全國電子2017感心上映

蕭煌奇 阿公的舊皮衫

bilingual fish (雙語魚)

【真人真事改編】 阿嬤的衛生紙

蕭煌奇 阿嬤的話 (完整版導唱字幕MV)

佇灣內國小 用台語來演講宣導交通安全教育的重要性

 佇灣內國小 用台語來演講宣導交通安全教育的重要性

今仔日真歡喜來到仁武的灣內國小分享。這是一間全新的學校，以綠建築的方式來設計建設，整體攏用白色的色水來規劃全校的教室，予人看起來感覺真媠真高雅。雖然學校的班級數佮教員無濟，毋過來參加研習的教師真踴躍，而且上課攏足認真聽課，嘛真大方佮台仔頂的講師對話交流，大範回答老師的提問。透過in專心的眼神，佮熱情的討論，會當佮遮爾認真上進的老師做伙分享成長，真正是一件足幸福的代誌。

佇這擺的演講分享，除了佮往過仝款，差不多全程有80-90%用台語來分享交通安全教育的重要性，我使用閣較濟的台語字佇簡報頂面，希望一面分享重要的交通安全觀念，更加希望予其他的老師佮大眾會當有機會看著台文，出現佇毋是教課書頂面的情境，也就是予台文生活化！順紲透過課後學員的回饋表，了解in有法度接受講師用台語演講分享無？抑是敢會當接受簡報頂面用台文來表示。透過學員的回饋，有9成會當接受用台語來宣講分享；有8成7的學員會當接受佇簡報頂面用台文來表示。

雖然我的學員樣本無濟，干焦22位老師來聽課，毋過透過我實際的分享結果證明, 台語毋是干焦會當用佇本土語課來指導學生，嘛會當佇公開場所來做正式的演講，更加會當用台文字來做分享。所以邀請所有會曉講佮寫的台語友志，咱若有機會出去分享演講的時, 盡量愛把握機會共台語佮台語文字宣傳出去喔~

#台語詞說明

1.色水 sik-tsuí 顏色。

2.媠suí漂亮的。

3.無濟 bô tsē不多。

4.毋過m̄-koh不過、但是。

5.攏lóng 都、皆、全部。

6.足tsiok很、十分。

7.嘛mā 也 。

8.大範tuā-pān一個人的舉止十分大方、自然，不受拘束。

9.會當ē-tàng可以。

10.遮爾tsiah-nī這麼。

11.做伙tsò-hué一起、一塊兒。

12.佇tī 在某個地方。

13.這擺 tsit pái 這次

14. 往過íng-kuè以前

15.閣較濟koh-khah tsē又更多

16.毋是m̄ sī 不是

17.頂面tíng-bīn 上面

18.順紲sūn-suà順道

19.有法度ū-huat-tōo有辦法

20.干焦 kan-na 只是

為何有運動😓身體還是不會好?

生活台語02｜學校｜設備 用具 用品

生活台語01｜學校｜處室 場所 設備

上課舉手發言的好處

圖片來源：https://m.2008php.com/tuku/978339.html

老師發現很多孩子, 上課不敢舉手發言，其實舉手發言是綜合性非常強的鍛鍊，有許多的好處，列舉如下：

1.提高上課專注力

2.提高學習成效

3.增加老師對你的好印象'

4.訓練思維能力

5.提昇口語表達能力

6.培養落落大方的態度

7.增加膽識與自信心

8.培養未來升學或就業的面試表達力....

所以在課堂上能發言的表現， 都是一次次自我成長的好機會，懂得把握的學生，將會不斷的增能成長，但相反的，每失去一次的發言機會，就是一次次的機會損失！

因此各位孩子們，記得好好把握這麼棒的自我成長機會哦~

教育部113年3月份閩南語認證考試 10月23日開始報名

 　教育部自112年起，一年辦理2次閩南語語言能力認證考試，113年3月份考試有A、B、C三卷，8月份考試則為A、B兩卷，特別提醒考生，8月份的A卷考試將首次採取「電腦化測驗」（其中書寫測驗維持紙筆作答）。

　　教育部113年3月份閩南語認證，報名時間自112年10月23日上午9時起，至11月20日下午5時止，報名身分不限國籍和年齡，只要對閩南語有興趣者，皆可上網報名參加；報名費新臺幣250元，19歲以下免費；考試當天完成所有測驗項目（聽、說、讀、寫4項），就能獲得獎勵品1份。而113年3月份考試簡章及2次考試重要日程表已公布於考試官網。

　　113年3月份考試，A卷訂於113年3月2日（星期六）舉行；B、C卷於3月3日（星期日）辦理。而8月份考試，將於113年8月3日（星期六）先舉行B卷考試；8月4日（星期日）辦理A卷電腦化測驗。提醒欲報考「A卷」的考生，可選擇報考3月份的傳統考試方式，或8月份的電腦化測驗。

另教育部已完成電腦化測驗的線上模擬平臺（https://blgjts.moe.edu.tw/tmt_demo），並公布於官網「最新消息」，歡迎考生多加試用、熟悉。

　　有關113年2次考試相關訊息，請至考試專屬網站（https://blgjts.moe.edu.tw）查詢，如有任何問題可電洽承辦單位國立臺灣師範大學提供的免付費服務專線：0800-699-566或付費電話（02）7749-3664；服務信箱：blg.sce@deps.ntnu.edu.tw。

台語滅亡倒數中！美籍YouTuber：「延續台語生命，最重要的就是你們台灣人」

詳細的文章介紹： https://www.businesstoday.com.tw/article/category/154769/post/202104010011/

拼音好撇步｜聲母佮韻母｜第01集

拼音好撇步｜聲母佮韻母｜第02集

拼音好撇步｜聲母佮韻母｜第03集

拼音好撇步｜聲母佮韻母｜第4集

台羅拼音｜聲母篇（全）

台羅拼音｜韻母篇｜七十九个韻母

柯文哲ft.葉丙成 "未來人必須具備的5個特質"大公開 .

啟助佇112年8月正式教台語課

自從跟郭永鏜老師學台語，才予我學會曉讀寫羅馬字佮羅馬音，對我來講這是佇台語ê學習過程中，上大ê突破，非常感恩老師ê用心牽教。

        因為聽講讀寫台文佮羅馬字ê能力攏差不多攢好勢矣！我想講功夫攏練甲差不多矣，我若是無出來掖子傳承台語，按呢傷拍損矣，我應該愛徛出來，到較濟班上，和囡仔分享學台語ê撇步佮鋩角，學台語ê趣味，學台語ê好處，佮學台語ê重要性！

      所以我主動向學校表達，希望有機會來教台語。天公伯仔真疼惜我，予我心想事成，佇今年112年8月開始，正式擔任國校班級內ê台語老師，寢頭拄仔教十班，差不多260外ê學生。

         雖然干焦拄仔上第二擺課程，毋過，學生ê反應非常好，開始慢慢仔無排斥台語課，甚至有囡仔感覺上台語課嘛誠趣味。閣有囡仔下課走來佮我講，伊ê台語愈來愈聽有矣，因為較早佇厝攏聽無in爸爸媽媽到底用台語咧講啥，毋過，這馬有沓沓仔聽有矣！

       予我感覺真好ê教學經驗佮成就感，所以將遮ê心情佮過程記錄落來和逐家分享。真歡喜我家己當初ê選擇佮決定是正確ê，而且已經有沓沓仔開花結子矣喔！

 

原來滑手機的台語這樣說...【潮台教室 #1】

五月天 Mayday【借問眾神明 Buddha knows…】

五月天 Mayday【垃圾車 Garbage Truck】

有孝父母有福氣(台)

22037/《有孝爸母有福氣》Iú-huà Pē-bú Ū Hok-khì

天韻合唱團 Thian-ūn Ha̍p-tshiùnn-thuân

------------------------------------------

做人的囝兒著有孝

tsuè-lâng ê kiánn-jî tio̍h iú-hàu

奉養爸母到年老

hōng-iúnn pē-bú kàu nî-lāu

嬰仔出世紅幼幼

inn--á tshut-sì âng iù-iù

爸母照顧無時休

pē-bú tsiàu-kòo bô-sî hiu

今日你會遮才情

kim-ji̍t lí ē tsiah tsâi-tsîng

社會佮人通比並

siā-huē kah lâng thang pí-phīng

攏是養育的恩情

lóng-sī iúnn-io̍k ê un-tsîng

咱著時刻記在心

lán tio̍h sî-khik kì tsāi sim

聖經早就有教示

Sìng-king tsá tsiū ū kà-sī

有孝的人有福氣

iú-hàu ê lâng ū hok-khì

孝順傳家媠無比

hàu-sūn thuân-ka suí bô-pí

聖經早就有教示

Sìng-king tsá tsiū ū kà-sī

有孝的人有福氣

iú-hàu ê lâng ū hok-khì

有福氣

ū hok-khì

主賜平安佮歡喜

Tsú sù pîng-an kah huann-hí

------------------------------------------

感謝 W.b. Chen 用心整理無私的分享

蕭煌奇 /山頂黑狗兄/[最美的歌]

《山頂烏狗兄》Suann-tíng Oo-káu-hiann

洪一峰Âng It-hong

(庾澄慶，蕭煌奇，江蕙，等等的歌手，嘛有做詮釋)

--------------------------------------------------

山頂一个烏狗兄

suann-tíng tsi̍t-ê oo-káu-hiann

伊是牧場的少爺

i sī bo̍k-tiûnn ê siàu-iâ

透早到暗真拍拚

thàu-tsá kàu àm tsin phah-piànn

牧場開闊規山坪

bo̍k-tiûnn khui-khuah kui suann-phiânn

喙唸明朗的歌聲

tshuì liām bîng-lóng ê kua-siann

透日歌聲唸袂定

thàu-ji̍t kua-siann liām buē tiānn

伊的歌韻真好聽

i ê kua-ūn tsin hó-thiann

聲好會唸蓋出名

siann hó ē liām kài tshut-miâ

有聽聲看無影

ū thiann siann khuànn-bô iánn

-- iu le i ti --

歌喉響山嶺

kua-âu hióng suann-niá

-- iu le i ti --

歌聲幼軟緣投得人疼

kua-siann iù-nńg iân-tâu tit-lâng-thiànn

-- iu le i ti, iu le i, iu le i ti --

阮的貼心烏狗兄

gún ê tah-sim oo-káu-hiann

逍遙自在真好命

siau-iâu tsū-tsāi tsin hó-miā

姑娘聽著

koo-niû thiann-tio̍h

心肝神魂綴伊行

sim-kuann sîn-hûn tè i kiânn

央三託四共伊招親情

iang-sann-thok-sì kā-i tsio tshin-tsiânn

-----------------------------------------------------

感謝 W.b. Chen 用心整理無私的分享

【教學】Win10「開機密碼設定」與「開機密碼解除」

陪伴恁散步的幸福 / 廖啟助 台語詩 / 台文通訊 352期

 

https://tsbp.tgb.org.tw/2015/08/line.html#more

啟助所寫的台語詩

記錄我佮爸爸媽媽做伙去散步的心情

這是我所寫的第2首台語詩

嘛是我第1首予人錄取的台語詩

看著家己所寫的台語詩

予台文通訊BONG報月刊錄取

閣兼佇88節進前刊出來

感覺非常的歡喜

非常的榮幸

非常的有意義

誠懇邀請逐家做伙來聽(讀)看覓 

這首

陪伴恁散步的幸福 

廖啟助朗讀(請點我)

無欲出國

嘛毋是欲去外位遊覽𨑨迌

食飯飽 了

毋驚天烏

想欲招你佮媽媽做伙去散步

 

行佇厝邊的打馬膠路

聽媽媽講伊𤆬你去關懷據點

綴老師做運動、畫圖

綴人唱歌兼拍噗

聽朋友講古

我知影恁的生活袂寂寞～

 

看你那行 跤步那在

佮阮有講閣有笑

我知影

你的體力愈來愈好

你的跤力愈來愈在

你的反應愈來愈緊

你的身體愈來愈勇

你的精神愈來愈光彩

你的心情愈來愈開朗

 

看著阿爸你的進步

這逝的散步

真正足快樂

感覺有夠幸福~

嘛藉這首詩

佮逐家勉勵兼提醒家己

愛把握珍惜佮序大人鬥陣的時間

做伙來享受陪爸爸媽媽散步的幸福~

擔任全高雄市112生教組長經驗傳承講師

112.08.09(三) 擔任112年全高雄市

生教組長工作傳承講座

兩個半小時的演講，花了將近150個小時來做準備，從架構規劃，資料收集，內容整理，美編排版，質疑自己的分享內容，再超大幅度的修正分享內容，再校稿與演練…等等事項，終於完成這項很有成就感與榮耀的任務。

看台下的新進生教同仁專注的眼神，以及下課時間來和我討論問題的情形，相信是有帶給他們一些入門的方向，很開心又完成了一件助人的工作

邀請逐家做伙來投稿~閩南語朗讀文章徵稿活動6/1起展開 歡迎各界踴躍投稿

邀請逐家做伙來投稿~

教育部112年「全國語文競賽之閩南語朗讀文章」自6月1日起開始徵稿，徵文題材以活潑有趣、貼近現實生活為佳。入選文章將給予稿酬，歡迎各界人士踴躍投稿。閩南語朗讀文章徵稿活動，除了豐富符合競賽所需文章，也藉此鼓勵各界接觸並多使用閩南語言文字來創作，發揚閩南語文的多樣性及優美內涵。

閩南語朗讀文章徵稿，文章字數以700至750字為限（含標點符號）。為利參加全國語文競賽的參賽者查詢辭典和聆聽詞目發音，內容用字請以教育部《臺灣閩南語常用詞辭典》的漢字為準，部分情形得以「臺灣閩南語羅馬字拼音方案」書寫，詳情請見活動簡章。

教育部112年「全國語文競賽之閩南語朗讀文章」徵稿活動自6月1日至7月31日止，相關資訊及簡章請參閱活動網站（http://ws3.ntcu.edu.tw/taiwanese/koksailongthok/），如有疑問，可於週一至週五上午8時30分至中午12時，下午1時30分至下午5時30分，電洽國立臺中教育大學，電話：(04)2218-3815；服務信箱：koksailongthok@gmail.com。

臺語認證｜用５張圖表認捌教育部Ａ級臺語認證｜準備臺語認證的鋩角｜臺語自學資源｜筆試考試介紹｜口試考試介紹｜2023

臺語認證｜按怎用4个撇步破解「閱讀測驗」？有佗6種誠好用的臺語連詞？｜解題速招

臺語認證筆記大公開｜５本臺語認證的模擬試題參考冊｜教育部閩南語語言能力認證考試｜全民台語認證

臺語認證 準備心得佮方向｜按怎共臺語佮生活敆做伙？｜聽力測驗｜口說測驗｜閱讀測驗｜聽寫測驗｜文章寫作｜教育部閩南語語言能力認...

臺語認證｜看圖講古的５个撇步｜四格圖｜看圖講話｜解題速招｜

教育部B卷台語認證考試~ 閱讀測驗❗️語詞語法測驗第1回❗️

 郭永鏜 老師整理 112年8月教育部B卷台語認證考試～（5）

閱讀測驗語詞語法測驗第1回

#請分享予參加8月台語認證的朋友

（一）考生愛來考看覓！

（二）考了好無免要意，試卷內底出現的「字、詞、句」，毋管是「語音、語意、語境、語用」，攏愛了解予徹底！

（三）參考答案：後禮拜開始分享「實作、模擬考」才做伙提供

（四）考試時間20分鐘，開始考囉！

（1）佗一字無適合形容「一个錢拍二十四个結」？

（A）鹹（B）澀（C）凍（D）酸

（2）物件食無了就擲㧒捔，按呢足「？」。下面佗一个選項上無適當？

　（A）tsau-that（B）bô-tshái（C）thó-tsè（D）phah-sńg

（3）你按呢講誠「媠氣」。請問，下面佗一个選項的「氣」佮「媠氣」的「氣」用法上倚？

　（A）我會曉禁氣（B）你莫激氣（C）食了足夠氣（D）這擺足失氣

（4）恁查某囝敢做人矣？下面佗一个選項佮「做人」上倚意？

　（A）訂婚（B）結婚（C）順月（D）生囝

（5）佗一字「上」的音讀佮其他三个無仝？

　（A）上殕（B）上水（C）上青苔（D）上船

（6）一直「相」電腦會近視呢！請問，用佗一字代替「相」上適當？

　（A）tsîn（B）lió（C）bî（D）siam

（7）選舉進前這个候選人講甲喙角全泡，選牢了後煞「有聽著聲無看著影，干焦會曉畫大餅。」用佗一句來形容這个候選人上適當？

　（A）無毛雞假大格（B）放屁安狗心（C）大隻雞慢啼（D）鳥喙牛尻川

（8）伊足「？」，就加減變寡工藝。請問，「」內底揀佗一个選項上適當？

　（A）無出脫（B）無議量（C）無較縒（D）無細膩

（9）下面佗一个詞無「異讀異義」？

　（A）公開（B）公家（C）公媽（D）公的

（10）台灣製的品質，有真濟國家共咱肯定，「？」有寡台灣人看台灣貨足無。

　（A）勻勻仔（B）沓沓仔（C）干干仔（D）寬寬仔

（11）「共（kā）」字的用法，佗一个選項毋著？

　（A）伊共我借錢（B）阿母共頭家娘騙囡仔（C）我共你做伙去（D）鼎蓋共掀開

（12）伊講甲足「紲喙」。佗一个選項會當代替「紲喙」？

　（A）紲勢（B）紲氣（C）紲拍（D）連紲

（13）阿母怨嘆逐工攏愛「窮菜尾」，阿母是咧怨嘆啥貨？

　（A）阿爸毋出去趁錢（B）厝裡散食（C）買菜無利便（D）無人鬥食

（14）《山頂的烏狗兄》是一塊誠好聽的台語歌謠。請問，「烏狗兄」是咧形容較「？」的查埔人？

　（A）gâu（B）phānn（C）tshio（D）tiô

（15）人「？」死矣，咱閣怨嘆嘛無較縒。下面佗一字上適當？

　（A）tō（B）tio̍h（C）lóng（D）to

（16）恁查某囝「？」。佗一个選項上無適當？

　（A）生袂（B）生未（C）袂生 （D）未生

（17）阿美仔誠「？」，閣生做囡仔面，看起來無成三十五歲。「」內底揀佗一个選項上適當？

　（A）一粒一（B）細粒子（C）一粒囝（D）細粒物

（18）翁仔某拚欲五六冬才生這个後生，煞予「？」去！

　（A）拍損（B）損蕩（C）譴損（D）討債

（19）照我的方法去做，「？」會成功！請問，「」內底佗一个選項上無適當？

　（A）kuat-tīng（B）tiānn-tio̍h（C）tiānn-tiānn（D）pah-bīn

（20）下面的選項，佗一个佮其他三个的構詞方式無仝？

　（A）薁蕘（B）蓮花（C）蕗蕎（D）枇杷

教育部B卷台語認證考試～歷年考過的重要字詞❗️

郭永鏜老師整理 112年8月教育部B卷台語認證考試～

歷年考過的重要字詞

#請分享予參加8月台語認證的朋友

（一）單字：

（1）揣、抾、揤、拄、捎、攢、挵、搧、搦、摒、

（2）抐、擛、擢、拑、㨑、擽、扲、㧣、揜、搣、摻、撮、

（3）燖、炕、𤉙、煠、糋、熥、烌、焦

（4）濟、瀾、潘、滇、洘、沃、沐、漖

（5）佇、偌、傷、佗、傱、僫

（6）跋、踅、踮／囥、囤／銃、鑢／紲、紺、絞、綴、紮

（7）遮、煞、箍、刣、懸、痟、啉、賰、牢、卵、逐、耍、誠、仝

（8）趖、虯、冗、荏、麭、殕、舒、硩

（9）曷、齴、趖、齆、勥、穢

（10）下面的字佇手機無法度顯示，請看電腦版！抑是佇《教典》用台羅查漢字：

gàn、𩛩kauh、𠢕gâu、in、peh

（二）語詞：（1）表示較簡單（2）表示較難：意難、字難、發音難

（A）2字：

（1）𨑨迌、呵咾、工課、月老、城隍、記數、費氣、序細、推捒、向望、臭羶、徛家、罩雺、跟綴、肨奶、囂俳、連鞭、唱聲、黜臭、昨昏、腥臊、媠氣、飄撇、塗跤、創空、私奇、聳鬚、觸纏、跋筊、討債、匪類、背骨、狡怪、司奶、姑情、頕頭、口座、著災、拍損、煞著、臭腥、斟酌、大範、張持、細膩、發癀、膨疱、齊頭、貧惰、風神、奢華、聳勢、囂俳、倚意、頭人、販仔、漢草、大龐、話母、話頭、話蝨、話尾、烏有、拍損、抾捔、創治、燥性、活骨、勥跤、作孽、傷重、冗剩、手尾、虯儉、閉思、漚翕、敢若、獨獨、專工、刁持、干焦、序細、幫贊、冤家、站節、變竅、袚鍊、頕頭、雺霧、利純、昨昏、有孝、遮爾、門閂、翕相、瘦抽、垃圾、糞埽、清氣、逐家、凊飯、心適、忤逆、燖補、頂真、刀銎、粒積、徛名、坦敧、剾洗、脫箠、斟酌、車幫、順紲、遮晏、爾爾、牽的、各樣、遮爾、遮的、錢鼠、激屎、開破、親情、凊心、今仔、認捌、漚肥、顯目（hiánn-ba̍k）

（2）咒讖、供體、煏空、㨂甲、頷垂、嘐潲、礙虐、重耽、汰衫、吊鼎、撆紮、實櫼、挽脈、鱟桸、龜祟、冇手、攝屎、喙白、揜貼、粗坯、消敨、庚帖（八字帖）接接（tsih-tsiap）孤獨（koo-ta̍k）剝削（pak-siah）

（B）3字：

（1）摵仔麵、歹扭搦、無才調、青蘢蘢、面模仔、橐袋仔、穩觸觸、歹剃頭、楔後手、食秤頭、摒厝內、拍通關、逐出菜、敲電話、失覺察、無定著、無的確、無疑悟、無張持、袂當直、歹看相、凖拄煞、激怐怐、激五仁、激詼諧、荏身命、死殗殗、歹鬥陣、相出路、呿呿嗽、鼓仔燈、踅踅唸、摃盼仔、厚操煩、起凊瘼、久長病、千捅箍、目頭懸、勻勻仔、量其約、做親情、不止仔、五份四、啉迵海、鬥相共、落尾手

（2）做瘦氣、大體仔、䢢拄䢢、實拄實、厚沙屑、大口灶、頭喙濟、當咧熱、使目箭、食閣含（kânn）坐（tshē）毋著

（C）4字：

儉腸凹肚、搦屎搦尿、鴨雄仔聲、沓沓滴滴、四箍輾轉、崁頭崁面、歹銅舊錫、假仙假觸、空喙哺舌、消瘦落肉、一仙五厘、姑不而將、腹腸真闊

教育部B卷台語認證考試～語句書寫❗️

郭永鏜老師整理  112年8月教育部B卷台語認證考試～（3）

袂使寫毋著的語詞

語句書寫

（一）本人連紲6冬改B卷「語句書寫」的經驗，多數考生「真捷」用著閣會寫毋著的「語詞（詞彙、詞組）」，公佈予逐家知影！

（二）是按怎老師直直強調「語句書寫」，無講著「文章寫作」，因為語句書寫干焦一字毋著就「扣1級分（分數5分）」，你講按呢有嚴重無！

（三）欲按怎避免「一定愛寫閣袂使寫毋著」？真簡單

（1）共遮的語詞，隨个仔隨个「那唸那寫」，逐个語詞上少唸10改、寫10見

（2）對今仔日開始，你佇面冊「看」我的台語文章，決定愛唸出聲音，拄著袂曉讀的字詞自然會去查《教典》（教育部臺灣閩南語常用詞辭典），毋但加強印象閣順紲練習「文章朗讀」的「本調、變調」

（四）下面遮的語詞，請考生愛「唸予紲喙、寫予熟手」，干焦毋著1字就會扣5分呢！

排列呈現方式：

語詞、台羅：華譯/例句

（1）干焦kan-na：只有、只是／厝裡干焦賰我一个人

（2）敢若kánn-ná：好像、似乎／敢若欲落雨矣

（3）毋但m̄-nā：不但、不只 ／伊毋但有孝嘛誠骨力

（4）毋過m̄-koh：不過、但是／今仔日的宿題無偌濟，毋過蓋困難。

（5）毋通m̄-thang：不要、不可以／風颱欲來矣，你毋通四界拋拋走。

（6）拍拚phah-piànn：努力、認真 ／咧欲考試矣，你愛較拍拚咧！

（7）這馬tsit-má：現在／你這馬緊去做工課，才袂予頭家罵。

（8）抑是ia̍h-sī/a̍h-sī：或者、或是／你欲啉咖啡抑是欲啉茶？

（9）猶是iáu-sī/á-sī：還是／幾若年無見面，你猶是佮較早平少年。

（10）猶未iáu-buē/á-bē：還沒、尚未／欲考試矣，我猶未準備好勢。

（11）佗位tó-uī：哪裡／遮爾晏矣，你是閣欲去佗位？

（12）偌濟guā-tsē：多少／你這馬有偌濟錢？

（13）傷濟siunn tsē ：太多／你食傷濟矣，莫怪會腹肚疼。

（14）足捷tsiok tsia̍p：經常、很頻繁／伊足捷去peh山

（15）上讚siōng tsán：最棒／咱臺灣的風景上讚

（16）佳哉 ka-tsài：幸好／佳哉你有紮雨傘，無，咱就害矣。

（17）四序sù-sī：舒適、妥當／這間厝蹛了誠四序

（18）逐家ta̍k-ke：大家/逐家攏是家己人

（19）序細sī-sè：晚輩、後輩／做人的囝兒序細愛有孝

（20）佇遮tī tsia：在這裡/你佇遮等我，毋通烏白走。

（21）工課khang-khuè：工作、事情／我有足濟工課猶未做了

（22）受氣siū-khì：生氣／你莫閣受氣矣！

（23）哪著 ná-tio̍h：哪裡需要／家己人哪著遮厚禮數？

（24）幾若工 kuí-nā kang：好幾天/阿爸這擺出張愛幾若工才會轉來

（25）鬥相共 tàu-sann-kāng：幫忙、幫助/敢有需要共你鬥相共？

（26）十外个 tsa̍p guā ê：十幾個／今仔日有十外个人來公司應徵

（27）會記得 ē-kì--tit：記得／欲睏進前愛會記得洗喙喔

（28）佮恁做伙kah lín tsò-hué：和你們在一起／我足愛佮恁做伙𨑨迌

（29）抾著khioh tio̍h：撿到／我佇塗跤抾著兩箍

（30）那來那譀ná lâi ná hàm／愈來愈離譜、愈來愈誇張／你誠實那來那譀呢

教育部B卷台語認證考試要領～ 書寫測驗❗️

郭永鏜老師整理  112年8月教育部B卷台語認證考試～（2）

書寫測驗

（一）簡章有講著的，請考生家己詳細看簡章

（二）老師介紹的，多數是簡章無講著的，「書寫測驗」：

（1）按怎評分？

（2）按怎會扣分？

（3）欲按怎考懸分！

（三）書寫測驗：配分60分

（1）聽寫台羅10分：考5題，每題2字共10字，著1字算1分

（2）聽寫漢字10分：計分方式佮聽寫台羅仝款

（3）語句書寫20分：考2題，每題10分

（4）文章寫作20分：1篇

按怎評分按怎扣分

#請分享予參加8月教育部台語認證的朋友

（四）聽寫台羅、聽寫漢字：

（1）每題考2字（2个音節），若干焦會曉1字，愛寫佇「答案格內底正確的相對位置」～予評分老師知影你欲寫的，是第1字抑是第2字？若看袂出，就是零分！

（2）建議：干焦會曉1字，另外1字就凊彩寫，按呢就無（1）所講的問題

（3）台羅「連字符」「-」：無評分，欲寫毋寫攏袂影響分數。建議：愛寫！按呢就無（1）所講的問題

（4）台羅「輕讀符」「- -」：有評分，愛寫！

（五）語句書寫

（1）每題10分，「評分規準」️是「2級分制」，考生的成績分做3種：

（a）2級分（成績10分）：寫出來的「字、詞、句、語法」，完全正確！

（b）1級分（成績5分）：「字、詞、句、語法」毋著「1位、2位、3位」

（c）0級分（成績0分）：「字、詞、句、語法」毋著的所在有「4位（以上）」

（2）結論考生莫用任何一个家己「無把握」的字/詞/句/語法，干焦毋著1字就扣5分

（3）「語句書寫」是書寫測驗上關鍵的部份，題目無難，只要學過基礎的台語文、了解評分規準，按呢輕輕鬆鬆隨有20分囉！

（六）文章寫作：

（1）請注意看試卷頂頭的提示：往年的提示攏是「寫150-200字之間」

（2）150字：這項毋是建議，是基本要求～上少愛寫有150字

（3）200字：超過200字無要緊。郭老師共你建議：上濟莫超過200字的20%～莫超過240字！

（4）評分規準是「5級分制」，成績分做：

5級20分/4級16分/3級12分/2級8分/1級4分/0級0分

（5）結論把握下面4个原則，5級分（滿級分/成績20分）應該無問題！

（a）上少愛寫有150字

（b）使用正確的台語漢字

（c）袂使用華語語法書寫

（d）毋通偏離主題