參加【教育廣播電台高雄分台】專訪112.01.05(四)
非常歡喜嘛非常多謝五福國中佳琪老師的肯定推荐，佮咱前高雄女中的黃秀霞校長~無棄嫌，予我有機會來參加【教育廣播電台高雄分台】「資優夢想家You and Me」的電台訪問！
這擺校長幫我所訂的主題《從資優教育到本土語的推手》
第1階段，先分享我過去佇資優班的一寡教學的體會，資優生應該培養的能力、應該俱備的情意態度、資優生的家長佇晟養資優生會當注意的所在，佮我的教育理念分享。
第2階段，分享我按怎學台語、目前由咱的國家來推動本土語言有啥款的重要性、為啥物我欲推捒台語、現此時咱會當按怎做，thang來做伙共台語救轉來，以及分享為啥物我欲寫台語文的原因！
節目預定佇112年01月27日(週五) 09:05 ~10:00播出，等電台將播放的連結囥好了後，我才來佮所有的好朋友分享，邀請逐家做伙來聽看覓哦~
(上集 談資優教育、下集 談本土語的推動) 請點前面超連結收聽~
沒有留言:
張貼留言
歡迎留言給我