因為有很多位用心陪伴孩子一起學台語，準備要參加認證的媽媽們很希望能增加他們與孩子去應試的功力，所以廖老師在此推荐兩本 金安出版社的學習參考書，分別是《A級真簡單》、《A級真簡單模擬試題》。相信只要先把之前廖老師推荐的1500字讀過，把和中文字不一樣寫法的台文漢字，特別花一點心思記憶一下，再來把上面的兩本書都讀過與練習過，相信要通A級的考試一定是「桌頂拈柑」！
●佮逐家分享一寡我所看著的好資料 ~ ●文圖影音等相關資料，純教學分享， 若有侵權煩請留言告知，必立即移除，感謝您的包容與無私分享~
2024年5月24日 星期五
2024年5月19日 星期日
2024年5月17日 星期五
09做生教組長的鋩角~112年全國語文競賽-閩南語朗讀文章(教師組)
運氣真好，我將過去做生教組長的一寡仔想法佮經驗談整理出來投稿，得著評審委員的認同，刊登做112年全國語文競賽-教師組的閩南語朗讀文章，佇前幾工(2024-05-14)公告佇全國語文競賽的網站頂面，佮逐家做伙來分享我的作品，多謝~
09做生教組長的鋩角
廖啟助
聽著「生教組長」這个稱呼，你會想著啥？罵囡仔、掠囡仔、處理囡仔冤家相拍、偷提物件、定定愛做公親……。無毋著，這就是生教組長平常時仔愛做的工課。除了遮的，猶有足濟沓沓滴滴的代誌。若是你，你敢欲接？抑是講，你敢敢接這个職務？
拄開始主任揣我接這个缺的時，我先想著的是：我無法度像進前的生教組長仝款，歹囡仔歹甲遐大聲。閣來就是，其實我足少咧罵囡仔，逐時去大聲歹囡仔，真正毋是我的sū-tài-luh。按呢我敢有法度接這个缺？所以我就去請教一寡長輩，聽看的建議。
有一位序大對我講：「這確實是無輕可的工課，因為欲處理的攏是遮的歹剃頭、歹扭搦的學生。毋過就是因為一般的老師無法度處理，才需要咱來鬥跤手。這是一个會當幫助囡仔，閣會當替家己積福報的工課，所以我認為你愛把握這个機會。」另外一个主任對我講：「其實我認為你誠適合做這个組長，因為我看你過去𤆬班對囡仔的規矩、禮貌攏足注重，而且咱做老師的人，上重要的是教囡仔，毋是歹，啥人講做生教組長一定愛大聲去罵囡仔？」聽按呢共我開破，才予我有信心通接這缺！
處理代誌的過程當中，我定定咧思考，敢有人無代無誌欲去共老師唱聲？抑是去拍人、罵人，偷提別人的物件？是毋是有啥物委屈，抑是誤會，才會發生今仔日的結果？我若是激老師的派頭，學生敢會對我講的心內話？所以便有需要我去處理佮囡仔相關的代誌，我攏先徛佇的立場對講：「老師毋是欲來罵人抑是處罰恁的，到底代誌按怎發生的，你安心仔共我講，老師來想辦法共恁鬥解決。」就按呢大部份我攏會當捎著摠頭，將結敨開，而且徛佇序大人佮老師的立場，鬥輔導遮的囡仔離經的想法佮行為。
咱敢有人愛予人罵？無，用罵的、用拍的，你敢真正會聽、會改？我想是較僫。將心比心，用耐心、愛心佮智慧來開破予咱的囡仔聽、掠的心，相信咱攏會當來做生教組長喔！
1.鋩角mê-kak 事情的處理的關鍵原則。
2.囡仔gín-á 小孩子。
3.掠lia̍h 抓。
4.冤家相拍 uan-ke sio-phah 吵架打架。
5.定定 tiānn-tiānn 經常。
6.公親 kong-tshin 調解、勸和的人。
7.無毋著 bô m̄-tio̍h 沒錯。
8.工課 khang-khuè 工作、事情。
9.足濟 tsiok tsē 很多。
10.沓沓滴滴 ta̍p-ta̍p-tih-tih 繁雜的。
11.揣 tshuē 尋找。
12.歹 pháinn 對人凶惡。
13.逐時 ta̍k sî 常常。
14.序大 sī-tuā 長輩。
15.輕可 khin-khó 輕鬆。
16.歹剃頭 pháinn-thì-thâ 事情難應付。
17.歹扭搦 pháinn-liú-la̍k 難搞。
18.鬥跤手 tàu-kha-tshiú 幫助他人解決困難。
19.𤆬班 tshuā
pan 帶班。
20.開破 khui-phuà 開導。
21.唱聲 tshiàng-siann 以言語大聲威嚇、撂狠話。
22.拍人 phah lâng 打人。
23.激派頭 kik-phài-thâu 擺架子故意顯出自己的身分地位比別人高貴。
24.徛佇 khiā tī 站在。
25. in 他們。
26.恁 lín 你們。
27.捎著摠頭 Sa-tio̍h-tsáng-thâu 抓到頭緒。
28. 敨開 tháu--khui 解開。
29. 離經 lī-king 離譜、荒謬。
30.僫 oh 困難、不容易。
啟助老師對應朗讀 臺北市閩南語字音形 國小組 建議識字詞1500組
臺北市閩南語字音字形建議識字詞彙量國小組(2023.02.22)
請按右方連結下載 對照閱讀 https://reurl.cc/kOZ4xx 建議最好印出紙本閱讀！
每天花不到5分鐘，讓你無負擔 會唸與認識 台語36組語詞，Let's go ~
啟助老師朗讀對照音檔
0001-0036 0037-0072 0073-0112 0113-0152
0153-0192 0193-0232 0233-0272 0273-0312
0313-0352 0353-0392 0393-0432 0433-0472
0473-0512 0513-0552 0553-0592 0593-0632
0633-0672 0673-0712 0713-0752 0753-0792
0793-0832 0833-0872 0873-0912 0913-0952
更新中
每天花不到5分鐘， 認識台語36組語詞，
10天360組， 20天720組，30天1080組，
一個月後, 你已認識超過1000組的台語詞，
這時候你在台語的聽說讀寫，都會有一定程度囉~
建議在朗讀的時候，含數字都要跟讀，順便把對應的台文漢字仔細看一下，若有與中文字不一樣的地方，準備筆記本做筆記，多寫幾次就記住囉！
若是您使用了我這套 朗讀對照資料學台語以後，有一些進步與體會, 歡迎您在下方留言與我分享您的進步喔~
因錄音設備只有陽春手機，加上放到雲端硬碟之後，我的朗讀聲音被縮小了，所以建議收聽的人，最好外接喇叭，如此能更清楚的聽到我的發音。
因為急著要把音檔錄好分享上來，所以發音的部分，僅以啟助老師個人習慣的南部腔來發音，無法面面俱到兼顧其他地方的腔調，對非南部的朋友較為抱歉！
另外，連續唸了這麼多的詞組，有時會眼花看錯，或是會因我小時的記憶來朗讀，萬一有發現錯誤處，敬請各位先進不吝告知，以利小弟能持續修正及改進，勞力~
2024年5月14日 星期二
2024年5月11日 星期六
分享《阿母是我心肝！》祝福媽媽 健康 平安 快樂 幸福
多謝lín長年為著厝內大細佮這ê家的付出，
母親節到矣，送咱所有的媽媽三蕊花
祝福每一位媽媽：『有錢花、隨便花、美如花』~
更加希望你每一工 健康 平安 快樂 幸福
厝內面人會互相體諒 體貼咱的付出
更加希望你每一工 健康 平安 快樂 幸福
厝內面人會互相體諒 體貼咱的付出
啟助佇遮分享我聽著的一首足好聽的台文詩歌創作
誠懇祝福所有的媽媽 母親節快樂 幸福~
《阿母是我心肝！》
詞曲創作/馬裕智
(歌詞 教育部台文版
啟助微調)
春天的花蕊 親像阿母的目睭
美麗可愛金爍爍 予人看袂厭𤺪
熱天的日頭 親像阿母的聲喉
有時微微光有時赤焱 親像放送頭
阿母的話時時咧 提醒我
阿母的聲時時咧 關心我
阿母的影時時咧 陪伴我
阿母的疼 是我永遠袂當放袂記的心肝！
秋天的飛鳥 親像阿母的心情
連鞭歡喜 連鞭受氣 著愛細膩照顧
冬天的白雪 親像阿母咧踅踅唸
看著媠噹噹 若是摸著 予你寒甲叫毋敢
阿母的話 時時咧提醒我（平安喜樂！）
阿母的聲 時時咧關心我（健康快樂！）
阿母的影 時時咧陪伴我（常常禱告！）
阿母的疼 是我永遠袂當放袂記的心肝！
2024年5月8日 星期三
閩南語認證考試報名到 5/10 截止 ，好空報你知 (含報名說明)
閩南語認證考試，好空報你知
1.19歲以下免報名費
2.當天全部考完領獎品
3.通過的證書是教育部發的，全國皆採用。
4.未來國中升高中考試，多元發展項目積分有加分：
檢定證照：採計上限20分A2(初級)+10分, B1(中級)+20分 。
詳見多元會考比序說明 https://reurl.cc/QR9172
113/08/04 (日) 考A卷(電腦化測驗)
苓雅區考場：大多在高雄高商
報名時間:113/4/15- 05/10下午5時止. 請家長協助報名
(要先註冊建立新帳號，帳號=註冊的email, 選個別報名，
留意收件住址及6碼郵遞區號(查詢點我https://zip5.5432.tw/)，
照片用手機找單純背景拍照即可)
不必擔心考不過，因不用報名費，
當成去學習體驗，有通過的人恭禧，
萬一沒通過的人，也賺到經驗，知道下次如何準備與面對，
所以廖老師，鼓勵所有孩子甚至是家長一同去報考喔。
報名網站：https://blgjts.moe.edu.tw/tmt/index.php
報名方式說明，請看下面說明
1. 先建立帳號
(1) 先以email建立帳號
(2) 密碼要有 英文大寫+小寫+ 數字3種內容，並至少要8碼以上(抄下來)
(3) 點我不是機器人→送出
(4) 到剛註冊 email，打開信箱→點認證確認
2. 再回到報名首頁
(1)報名測驗別→選8月
(2)帳號= 前面註冊的email,
(3)密碼= 前面抄下來的密碼
(4)點我不是機器人
(5)一般帳號登入
(6) 進入之後，要選個別報名
(7) 開始把自己的基本資料輸入
...........
(8) 最後通訊住址記得要檢查3次
資料都輸入後，按了確定後會送出,
記得回原emai信箱確認是否報名成功哦!
其他詳見考試網站（https://blgjts.moe.edu.tw）之簡章內容。
電腦化測驗線上模擬平臺，考生可多加利用。
（https://blgjts.moe.edu.tw/tmt_demo）
試題說明及範例 https://blgjts.moe.edu.tw/tmt/view.php?page=resource
臺北市閩南語字音字形建議識字詞彙量(2023.02.22)國小組
請按底下連結下載閱讀 https://reurl.cc/kOZ4xx
2024年5月7日 星期二
來捐血兼鼓舞護理師講台語 (台文通訊 第361期)
圖文出處：https://tsbp.tgb.org.tw/2015/05/blog-post_80.html#more
【來捐血兼鼓舞護理師講台語】 (全台文漢字版)
廖啟助
厝邊的消防局拄仔好有捐血的活動，當然愛來鬥相伨。護理師問我基本資料，因為我攏台語回答，所以伊嘛加減用台語佮我溝通。
問了後，開始抽血的時，我特別向護理師呵咾講：「你的台語講了足好聽，應該愛加講一寡仔予民眾聽。」伊歹勢仔歹勢講：「其實我的台語講了無kài好！」我閣共鼓舞講：「頭起先，講袂siann輾轉是足四常的代誌，毋過你講台語的聲音足好聽，只要有捷捷講，一定會當愈講愈順，愈講愈好。」伊應講：「是啦！」
紲落去，伊繼續佮其他的民眾服務，毋過仝款用中文來問問題！
我就繼續揣話題佮伊開講，我問伊講：「恁過去佇護理學校上課，恁敢有特別是去學「醫學台語」的課程？」伊講：「無！」
按呢恁較早去病院受訓抑是食頭路的時，老師抑是學姐敢有鼓舞恁愛加強台語，愛盡量加講寡台語，按呢較有法度來服務一寡序大長輩的患者？」
伊應講：「嘛是無，佇護理學校從來無任何老師叫阮愛講台語，畢業了後，到病院上班，身軀邊仔的護理人員嘛攏是講中文較濟，差不多攏無人咧講台語，除非有患者伊是講台語的人，按呢阮才會用台語來回答伊！」 「我的台語是細漢聽厝內面人咧講所學的，佇學校除了佇國小的時陣，有上過台語課，其他的學校攏毋捌有上過台語課，毋過佇國小的台語課，老師是教羅馬字，講了足奇怪，所以嘛無啥認真咧學台語。」
我應講：「有可能彼當陣老師解說你聽較無，所以才會感覺老師教的羅馬字真奇怪！」
我閣問講：「你敢有囡仔矣？」伊講：「有啊！」
我講：「你敢有咧佮你的囡仔講台語？」
伊講：「我有捌佮伊講過台語，毋過伊攏無欲佮我講台語，尾仔我就煞煞去，無想欲閣佮伊講台語矣。」
我講：「囡仔有按呢的反應是足正常，因為伊聽了無夠濟，自然伊就袂曉講，加上伊的朋友同學攏無人咧講，當然伊就無想欲講！毋過，只要你有繼續佮伊講，伊一定會當加吸收著真濟台語，就親像你細漢的時，因為聽著厝內面人咧講台語，你這馬才有法度來講台語！所以咱絕對袂當放棄來佮咱的囡仔講台語喔！」
伊講：「確實是按呢無毋著！」
紲落來，我有聽著伊開始加減佮邊仔欲捐血的民眾開始講寡台語矣！
我500cc的血已經有夠額，所以我就先坐佇邊仔竭睏。
尾仔我閣佮這位護士小姐講，其實是刁工欲講予所有佇捐血車頂面的民眾佮其他的護理師做伙聽，我講：「佇咱台灣，尤其是出社會，若是會曉講台語，絕對是加足方便有利，所以咱愛繼續講台語予咱的囡仔聽，對in未來的發展加真有幫贊喔！咱鬥陣來講台語，多謝!」
伊講：「好，我知影，多謝你！」
紲落去我就離開捐血車矣。
看著我的雞婆性，予這位護理師開始加減講台語，嘛回答我講，伊倒轉去厝會佮伊的囡仔講台語，予我真歡喜，所以推捒台語，免拍勢，免揀所在，嘛毋免是愛去做老師才會當來推捒台語，只要咱有心，隨時攏會當鼓舞咱身軀邊仔的人鬥陣來講台語喔~
【來捐血兼鼓舞護理師講台語】 (台羅+漢字版)
厝邊ê消防局拄仔好有捐血ê活動，當然ài來tàu sio-thīn。護理師問我基本資料，因為我lóng用台語回答，所以伊mā ke減用台語kap我溝通。
問好了後，開始抽血ê時，我特別kā護理師呵咾講：「你ê台語講了tsiok好聽，應該ài ke講--一-寡-仔hōo民眾聽。」伊歹勢仔歹勢講：「其實我ê台語講了無kài好！」我koh kā鼓舞講：「頭起先，講bē啥liàn-tńg是tsiok sù常ê代誌，m̄-koh你講台語ê聲音tsiok好聽，只要有tsia̍p-tsia̍p講，一定ē-tàng愈講愈順、愈講愈好。」伊應講：「是--lah！」
Suà--落-去，伊繼續kā其他ê民眾服務，m̄-koh仝款用華語來問問題。我就繼續揣話題kap伊開講，我問伊講：「Lín過去tī護理學校上課，kám有特別去學 “醫學台語” ê課程？」伊講：「無！」
「Án-ne lín khah早去病院受訓iah是食頭路ê時，老師iah是學姊kám有鼓舞lín ài加強台語，ài盡量ke講寡台語，án-ne khah有法度來服務一寡序大、長輩ê患者？」
伊應講：「Mā是無，tī護理學校從來無任何老師叫阮ài講台語，畢業了後，到病院上班，身軀邊--a ê護理人員mā是講華語khah濟，差不多lóng無人leh講台語，除非有患者伊是講台語ê人，án-ne阮tsiah ē用台語來回答--伊。我ê台語是細漢聽厝內面人leh講所學--ê，tī學校除了tī國小ê時tsūn，有上過台語課，其他ê學校lóng m̄ bat上過台語課。M̄-koh tī國小ê台語課，老師是教羅馬字，講了tsiok奇怪，所以mā無啥認真leh學台語。」
我kā講：「有可能hit-tang-tsūn老師解sueh你聽khah無，所以tsiah ē感覺老師教ê羅馬字真奇怪。」
我koh問講：「你kám有囡仔--ah？」
伊講：「有--啊！」
我講：「你kám有leh kap你ê囡仔講台語？」
伊講：「我有bat kap伊講過台語，m̄-koh伊lóng無beh kap我講台語，尾--à我就煞煞--去，無想beh koh kap伊講台語--ah。」
我講：「囡仔有án-ne ê反應是tsiok正常，因為伊聽了無夠濟，自然伊就bē-hiáu講，加上伊ê朋友同學lóng無人leh講，當然伊就無想beh講。M̄-koh，只要你有繼續kap伊講，伊一定ē-tàng ke吸收著真濟台語，就親像你細漢ê時，因為聽著厝內面人leh講台語，你tsit-má tsiah有法度來講台語。所以lán絕對bē-tàng放棄kap lán ê囡仔講台語--őo！」
伊講：「確實是án-ne無m̄-tio̍h！」
Suà--來，我有聽著伊開始ke減kap邊--a beh捐血ê民眾開始講寡台語--ah。
我500cc ê血已經有夠額，所以我就先坐tī邊--a歇睏。
尾--à我koh kap tsit位護士小姐講，其實是刁工beh講hōo所有tī捐血車頂面ê民眾kap其他ê護理師做伙聽，我講：「Tī lán台灣，尤其是出社會，若是ē-hiáu講台語，絕對是ke tsiok方便有利，所以lán ài繼續講台語hōo lán ê囡仔聽，對in未來ê發展ke真有幫贊。Lán鬥陣來講台語，多謝！」
伊講：「好，我知影，多謝--你！」
講了，我就離開捐血車--ah。看著我ê ke-pô性，hōo tsit位護理師開始ke減講台語，mā kā我講，伊倒tńg去厝--裡ē kap伊ê囡仔講台語，hōo我真歡喜。所以tshui-sak台語，免拍勢、免揀所在，mā m̄免是ài去做老師tsiah ē-tàng來tshui-sak台語，只要lán有心，隨時lóng ē-tàng鼓舞lán身軀邊--a ê人鬥陣來講台語！
2024年5月5日 星期日
6/22(六) 台語能力認證「書寫」佮「口語」加強研習班 (免費)
台語能力認證「書寫測驗」佮「口語測驗」加強研習班(免費)
好空的台語研習報逐家知，
台中教育大學台語能力認證「書寫佮口語測驗」加強研習班(免費)
報名資格：限定52名（臺中教育大學學生優先錄取），6/10截止報名。
上課時間：2024-06-22 (六) 9:00 - 16:00
上課地點：臺中教育大學 勤樸樓F104教室
報名網址：https://reurl.cc/YEOYVl
好空的台語研習報逐家知，
佇認證內面予足濟人頭疼的部分，就是書寫佮口說測驗！
這擺台中教育大學，真替咱設想，除了免費以外，
閣邀請著經驗飽滇ê文俊老師一工貼貼來指導逐家，
學著攏是趁著，看著我嘛足想欲去參加，
干焦52ê名額，報名跤手愛猛喔！~
分享予有需要佮有興趣的朋友。
台中教育大學台語能力認證「書寫佮口語測驗」加強研習班(免費)
報名資格：限定52名（臺中教育大學學生優先錄取），6/10截止報名。
上課時間：2024-06-22 (六) 9:00 - 16:00
上課地點：臺中教育大學 勤樸樓F104教室
報名網址：https://reurl.cc/YEOYVl
訂閱：
文章 (Atom)