自細漢到大漢，一直攏感覺家己是一个足幸福的囡仔，毋管是厝裡的阿公、阿媽、阿叔、阿姑、姑丈、阿舅、阿妗、阿姨、姨丈、阿爸佮阿母，抑是小弟小妹；厝邊的伯仔、姆仔、姑婆、姆婆；學校的老師、主任、同學、同事佮校長，逐家攏是足疼惜、足關心我，予我滿滿的肯定佮協助照顧，猶閣有濟濟的先輩長輩貴人共阮牽教指導，所以就算阮的家境無富裕，毋過我一直攏感覺家己是足幸福的人。
閣看身軀邊的人，有真濟人明明真好過，感覺就應該是會當幸福快樂過日子的人，毋過煞定定怨嘆吐大氣，所以才會寫出這首詩來，提醒家己佮囡仔：咱有幸福無，一切攏看你按怎看待家己，別人的看法一點仔都無重要~
===================================================================
【幸福是啥物？】
作者：廖啟助
幸福是啥物
幸福就是感覺家己是幸福ê
人生就是按呢
有的人會使講是真幸福的人
毋過一直認為家己足歹命ê
煞來艱苦一世人
啊若是我
雖然毋是佇富裕的環境大漢
毋過會曉知足惜福感恩
所以定定感覺家己是足幸福的人
你講你有幸福無
一切攏看你按怎看待家己
別人的看法一點仔都無重要~
線頂完整的台文通訊BONG報 370期，2025年1月出刊 雜誌內文~
這首詩共幸福表達了真鬥搭,講甲真有道理,幸福並毋是一定愛有好車、大厝佮足濟錢,只要知影愛知足,心內對幸福的感覺飽滇,人自然不管時就會感受著幸福和快樂！
回覆刪除多謝非雄兄的回饋分享, 確實知影知足的人，伊的心內對幸福的感覺就會飽滇，時時就會感受著幸福和快樂！
回覆刪除