我毋是一个文學家，嘛無讀啥冊，所以無法度像一寡大作家有才調去寫足濟優美ê語詞，干焦會當用足淺白ê話語來紀錄我ê生活；雖然我ê文筆無夠好，毋過我有真用心去感受佮體會家己ê生活，尤其是對厝內面人佮對家己ê教育工作。當當若是對這項代誌特別有感動ê時，就會盡量撥工揣時間共心肝頭ê一寡感動整理落來。
真感謝台文通訊ê編輯老師，對我這个做阿爸的人ê疼痛，願意將我陪伴查某囝成長過程ê體會佮紀錄刊登出來，誠懇邀請所有ê好朋友做伙來讀看覓，無的確你會發現，原來「天下爸母心」這句話真正是真ê喔~
為啥物啟助會按呢講，請你來讀我這首「精彩的15歲」，毋管你是做人ê序大長輩，抑是做人ê囝兒序細，只要將你ê生活記持佮我所寫ê內容小比對一下，相信你就會知喔~
01.勻勻仔ûn-ûn-á 慢慢地、謹慎小心地。
02.熬gô 用小火慢慢烹煮食物。
03.褒嗦po-so 恭維。用正面、肯定的言語對別人稱讚、誇獎。
04.小可仔sió-khuá-á 稍微、些微、少許。
誠懇邀請所有來看我ê作品ê來賓，毋管你是寫中文抑是台文，攏歡迎你留話將你讀了「精彩ê15歲」ê想法佮阮分享喔!
線頂完整的台文通訊BONG報 377期，2025年8月出刊 雜誌內文
請點後面連結~https://tsbp.tgb.org.tw/2015/08/e-15.html
上台領獎，辦身份證，手機仔，讀者感受袂輸阿助老師家己15歲遐爾仔歡喜！
回覆刪除感謝來賓的留話分享, 我家己15歲的時, 有歡喜無，已經袂記得矣! 毋過當咱看著家己的囡仔有好的表現佮成就, 咱做序大人的人攏比伊本人閣較歡喜, 毋知你是毋是有佮我仝款的感受,
刪除所以人講「爸母疼囝長流水」真正就是按呢~
啓助老師好有才，幸福真的是來自自己的感覺，15歲的描述好貼切，頓時讓我想起我兩個小孩15歲時的情景與模樣。
刪除用台語來描述就是不一樣，超讚👍
多謝這位來賓的留話鼓勵肯定, 確實幸福是來自咱本身的體會感受, 會當陪伴囡仔做伙成長做伙大漢, 做伙留落來爸仔囝抑是母仔囝共同的生活記持（kì-tî＝記憶）, 這是足幸福的代誌~
刪除相信所有有開時間陪伴囡仔成長的序大人, 透過我的作品, 攏會去想起咱過去佇囡仔身軀頂所付出的點點滴滴。
向望有閣較濟(tsē＝多)的爸爸媽媽佮囡仔做伙鬥陣講台語, 予台語會當變做厝內面人共同的甜蜜記持~