【珍惜~ 有人會當牽咱的機會】

佇我的成長過程當中, 面對大部份的代誌, 攏無人會當共我牽教較濟, 凡事攏會愛靠家己對頭仔沓沓仔摸,沓沓仔學!
所以我足希望家己會當有一位師父, 會當將伊的工夫,將伊的經驗傳予我, 予我會當學著較正確,較完整的撇步,予家己會當愈來愈進步~
今仔日透早看著 婚攝鯊魚的分享, 完全就是我內心的想法! 所以特別將這篇文章copy落來, 佮我的學生囡仔以及朋友分享!
提醒家己, 毋管是學翕相, 抑是學任何代誌，咱攏愛遮爾認真!
愛珍惜咱身驅邊有人會當共咱牽教的機會，咱家己嘛愛主動去爭取、去把握每一擺會當學習的機會! 因為機會是留予想欲進步, 想欲成功的人~

咱互相提醒, 互相勉勵~ 加油!